سالنگ قتناو یولی کابل شمالیده‌گی گوجوم یوللردن سنله‌دی، پروان و کاپیسا شامل ۱۲ شمالی ولایت نی پایتخت کابل گه باغله‌یدی.
سلام‌وطندار نینگ معلوماتی اساسیده، سونگی ۴ آی ده سالنگ قتناو یولیده ترافیکی حادثه‌لر نتیجه‌سیده ۴۵ کیشی اولیب و یره‌لنگن، اولر ارا ایرکک‌لر، عیاللر و باله‌لر شامل ۷ کیشی هلاک بولیب و باشقه ۳۸ کیشی یره‌لنگن.
سلام‌وطندار بیلن صحبت اوتکزگن بیر قطار هیداوچیلر نینگ ایتیشلریچه، یوللر بوزوق‌لیگی باعث سالنگ قتناو یولیده ترافیکی حادثه‌لر کوپه‌یشیگه سبب بولگن.
بیزلرنینگ فیسبوک صحیفه‌میزگه باش اورینگ!
عین‌حالده، مزارشریف دن تیلری موتری ده تاش کومیر یوکله‌گن توریالی نینگ ایتیشیچه، سرک اونچه‌لیک بوزوق ایمس ایدی و ۸ ساعت یول یورر ایدیلر، حاضر ایسه یول بوزیلگن حتا ۱۵ ساعت یول یوریدیلر.
توریالی نینگ کوپه‌یتیریشیچه، یول بوزوق‌لیگی باعث موترلری تخنیکی قیینچیلیک تاپه‌دی.
شو بیلن بیرگه، شمال دن تاش کومیر یوکلب کابل تامان یوللنگن پکتیاوال نینگ ایتیشیچه، یوللر بوزوق‌لیگی باعث ساعت‌لرچه قتنه‌یدیلر.
برچه‌سی بیلن، پروان ترافیک مدیریتی نینگ ترافیکی حادثه‌لرنی تیکشیریش آمری عبدالحمید محمدی گه کوره، یوللر بوزوق‌لیگی و شونینگدیک هیداوچیلر نینگ دقت‌سیزلیگی باعث ترافیکی حادثه‌لر کوپه‌یگن.
سالنگ قتناو یولی مسئوللری، ینگی لیکده قریب ۳۰ کیلومتر سرک اسفالت و قیته قوریلیشیدن خبر بیریب ایتیشیچه، مهم بیر قتناو یول اوچون بو گَل ایش، بنیادی ایش حسابلنمه‌یدی.
بیزلرنینگ توییترده هم تعقیب قیلینگ!
سالنگ قتناو یولیدن حفظ و مراقبت قیلیش باشلیغی ابومحمدحافظ محمد یعقوب، ترافیکی حادثه‌لر سببینی هیداوچیلر نینگ دقت‌سیزلیگی عنوان قیلیب کوپه‌یتیریشیچه، سرک بوزیلگن و بیر قطار ساحه‌لرنی قیته قوریش ایشلرینی باشله‌گنلر.
ایش بیلرمان‌لر نینگ ایشانچی گه کوره، مذکور یول اساسی و بنیادی طرزده قیته قوریلمه‌گن تقدیرده، ترافیکی حادثه‌لر گه قوشیمچه، تیزلیک بیلن اورته دن کیتیشی ممکن، شونینگدیک سوداگرلر نینگ توارلرینی انتقال بیریش میزانی کمه‌یب و کرایه نرخی قیمت بولیشیگه سبب بوله‌دی.
