بغلان خوفسیزلیک مسئوللری، اوشبو ولایت ده یوز بیرگن ایکی علیحده ترافیکی حادثه عاقبتیده ایکی کیشی هلاک بولیب و باشقه ۱۲ کیشی یره‌لنگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
بغلان امنیه قوماندان‌لگی سوزلاوچیسی شیراحمد برهانی نینگ سلام‌وطندار گه ایتیشیچه، اوشبو حادثه جمعه کونی، ۲۵ حمل، خنجان تومنی حدودلری شمالی سالنگ منطقه‌سیده، بیر باله «سیمرغ» رسوملی موتر آستیده قالیب و نتیجه ده مذکور باله هلاک بولگن.
جناب برهانی نینگ کوپه‌یتیریشیچه، ایکینچی حادثه بوگون مرکزی بغلان تومنی حدودلری فابریکه‌ی قند منطقه‌سیده، «سراچه» رسوملی بیر موتر «فولدر» رسوملی بیر موتر بیلن توقنشگن و نتیجه ده بیر عیال هلاک بولیب و باشقه ۱۲ کیشی یره‌لنگنلر.
بیزلرنینگ توییترده هم تعقیب قیلینگ!
بغلان ولایتی ترافیک مدیریتی مسئوللری، اوشبو واقعه‌لر سببینی هیداوچیلر نینگ دقت‌سیزلیگی و تیز هیده‌ش‌لری عنوان قیلگنلر.
ایتیش کیره‌ک که، سونگی کون‌لرده مملکت نینگ تورلی ولایت‌لریده یوللر نینگ بوزوق‌لیگی و هیداوچیلر نینگ دقت‌سیزلیگی باعث، ترافیکی حادثه‌لر یوز بیریب و یشاوچیلردن قربان‌لیک آلماقده.
