بدخشان ده‌گی محلی منبع‌لر، اوشبو ولایت نینگ خاش تومنی «کزر ها» کوتلی ده بیر موتر یول دن چیقیب چپه بولیشی عاقبتیده عیاللر و باله‌لر شامل ییتتی کیشی هلاک بولیب و باشقه ۱۴ کیشی یره‌لنگنیدن خبر بیره‌دیلر.
محلی منبع‌لر نینگ سلام‌وطندار گه ایتیشلریچه، مذکور واقعه «فلانکوچ» رسوملی بیر موتر بهارک تومنیده توی مراسمی گه باریش پیتیده یول دن چیقیب چپه بولیشی باعث یوز بیرگن.
بیزلرنینگ فیسبوک صحیفه‌میزگه باش اورینگ!
اولر گه کوره، واقعه طفیلی یره‌لنگنلر دوالنیش اوچون فیض‌آباد مرکزی کسلخانه‌سی گه انتقال بیریلگن.
شونینگدیک، بدخشان ولایتی کسلخانه‌سیده شفاکارلر نینگ ایتیشلریچه، بوگون (جمعه، ۲۲ ثور)، ۱۴ یره‌دار کیشی اوشبو کسلخانه گه انتقال بیریلگن و اولردن ایکی کیشی نینگ احوالی آغیر دیر.
بیزلرنینگ توییترده هم تعقیب قیلینگ!
عین‌حالده، بدخشان ولایتی خاش تومنی قتناو یولی قیین یوللردن سنله‌دی، اکثر وقت‌لر هیداوچیلر تامانیدن ترافیکی قاعده‌لر رعایت ایتیلمسلیگی باعث بو گَل واقعه یوز بیره‌دی.
