فاریاب ولایتی محلی مسئوللری، اوشبو ولایتده ایکّی ترافیکی حادثه ده اوچ کیشی هلاک بولیب و باشقه ۲۰ کیشی یره‌لنگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
فاریاب ولایتی معلومات و مدنیت باشلیغی شمس‌الدین محمدی نینگ ایتیشیچه، بوگون (چهارشنبه، ۹-حوت) ایرته‌لب «آستانه» رسوملی بیر موتر مذکور ولایت نینگ قرمقول و دولت‌آباد تومن‌لری آره‌لیغیده‌گی جنگل منطقه‌سیده سرک دن چیقیب چپه بولیشی عاقبتیده ایکّی کیشی هلاک بولیب و باشقه ۱۸ کیشی یره‌لنگن.
محمدی جنابلری نینگ کوپه‌یتیریشیچه، باشقه بیر واقعه ده فاریاب ولایتی خانچهارباغ تومنی ختم قیر حدودلری ده «سراچه» رسوملی بیر موتر سرک دن چیقیب قولشی عاقبتیده بیر کیشی قربان بولیب و باشقه ایکّی کیشی یره‌لنگنلر.
بیزلرنینگ «ایکس» ترماغی ده هم تعقیب قیلینگ!
اوشبو ایکی واقعه سببی یوللر نینگ موزلگنی و هیداوچیلر نینگ دقت‌سیزلیگی عنوان قیلینگن.
ایتیش کېره‌ک، مملکت نینگ بیرقطار ولایت‌لری جمله دن فاریاب ده هیداوچیلر نینگ دقت‌سیزلیگی و یوللر تارلیگی طفیلی انده-سنده بو کبی واقعه‌لر یوز بیریب و یشاوچیلردن قربان‌لیک آله‌دی.
