پروان ولایتی شیخعلی تومنیده یوز بیرگن ترافیکی حادثه نتیجهسیده، اوچ عیال و ایکی ایرکک شامل بیش کیشی اولیب، بیر ایرکک و تورت عیال شامل بیش کیشی یرهلنگن.
شیخعلی تومنی ولسوالی ذبیحالله ترابی، مذکور حادثهنینگ اوتگن کون توشدن کیین (۱۸-جوزا، دوشنبه)، یوز بیرگنینی بیان قیلگن.
ترابینینگ ایتیشیچه، اوشبو ترافیکی حادثه شیخعلی تومنی «بیدقول» ساحهسیده، «فلانکوچ» رسوملی بیر موترنینگ «اکتروز» رسوملی یوک تاشووچی بیر موتر بیلن توقنشووی نتیجهسیده یوز بیرگن.
هیداوچیلرنینگ احتیاطسیزلیگی، ترافیکی قاعده-قانوننینگ رعایت بولمسلیگی و سرکلر بوزوقلیگی، افغانستان ده ترافیکی حادثهلرنینگ یوز بیریشی اصلی سببلریدن بیلینهدی.
