بلخ خوفسیزلیک مسئوللرینینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، اوچ کیشی اولیب و تورت کیشی یرهلنگن.
بلخ امنیه قوماندانلیگی سوزلاوچیسی محمدعیسا وثیق، مذکور حادثهنینگ اوتگن جمعه کونی حیرتان-مزارشریف قتناو یولیده «کرولا» رسوملی ایکی موترنینگ توقنشووی نتیجهسیده یوز بیرگنینی بیان قیلگن.
جناب وثیق، یوز بیرگن ترافیکی حادثه سببینی هیداوچیلرنینگ احتیاطسیزلیگی دیب و ترافیکی قاعده-قانوننینگ رعایت قیلمهیدیگن کیشیلر بیلن جدی یاندهشیلیشی توغریسیده آگاهلنتیرگن.
شوندهی بیرحالده، قندوز-امامصاحب قتناو یولیده یوز بیرگن ترافیکی حادثهده، ۵ کیشی اولیب و ۲ کیشی یرهلنگن.
قندوز ده محلی منبعلرنینگ ایتیشلریچه، اوشبو حادثه اوتگن کون «آکوا» رسوملی بیر موترنینگ «کرولا» رسوملی بیر موتر بیلن توقنشگنی عاقبتیده یوز بیرگن. ایتیلیشچه، مذکور ایکی موتر توقنشگنیدن کیین آلاو آلگن.
ایتیش کیرهک که، افغانستانده ترافیکی حادثهلردن کوپ قطاری، هیداوچیلرنینگ دقتسیزلیگی و سرکلر بوزوقلیگی سبب یوز بیرهدی.
