قندوز ولایتیده هیداووچی‌لیک قیله‌دیگن کیشی‌لر نینگ ایتیش‌لریچه، سابق اوشبو ولایت قتناو یول‌لریده ناقانونی اخاذلیک کوپ ایدی، لیکن اسلامی امارت حکومتی کیلگنیدن بویان، ترانسپورت وضعیتی یخشی‌لنیب و ناقانونی اخاذلیک یوقالگن.
بیزلرنینگ فیسبوک صحیفه‌میزگه باش اورینگ!
قندوز ده هیداووچی‌لیک قیله‌دیگنلردن بیری احسان‌الله نینگ ایتیشیچه، اسلامی امارت کیلگنیدن بویان، شمال‌شرق قتناو یول‌لری نینگ خوفسیزلیگی تامین‌لنگن و هیداووچی‌لر تینچ فکر بیلن مذکور قتناو یول‌لردن اوتیب-قیته‌دیلر.
اونینگ ایتیشیچه، سابق بو قتناو یول‌لرنینگ کیریش دروازه‌لریده هیداووچی‌لردن پول آلینه‌ریدی و شونینگدیک، یول‌ده ناقانونی اخاذلیک صورت تاپه‌ریدی. اونینگ کوپه‌یتیریشیچه، حاضرده ناقانونی اخاذلیک‌لر آلدی آلینگن و اولر یالغیز ایکی نقطه‌ده ترانسپورتی مالیات‌لرینی تحویل قیله‌دیلر.
قندوز ده ترانسپورت بیرلشمه‌سی باشلیغی محمدیونس قاسمی نینگ ایتیشیچه، اسلامی امارت کیلگنیدن بویان اوشبو ولایت قتناو یول‌لریده بولگن موترلر مصون دیر و هیداووچی‌لرنینگ خواطرلری برطرف بولگن.
عین‌حالده، قندوز ولایتی بوییچه ترانسپورت اداره‌سی باشلیغی دکتر حسین نینگ ایتیشیچه، اوشبو ولایت هیداووچی‌لری و ترانسپورتی شرکت‌لر نماینده‌لری بیلن نیچه مرته صحبت اوتکزگنلر و ترانسپورتی وضعیت یخشی‌لنیشی اوچون سعی و حرکت قیله‌دیلر. اونینگ ایتیشیچه، هیداووچی‌لرنی اذیت قیله‌دیگن کیشی‌لر قولگه آلینیب و جزالنتیریلیشی ممکن.
بیزلرنینگ فیسبوک صحیفه‌میزگه باش اورینگ!
قندوز مملکت شمال‌شرقیده جایلشگن ولایت‌لردن بیری دیر. اوشبو ولایت شیرخان بندری آرقه‌لی تاجیکستان بیلن چیگره‌داش بولیب و انه‌شوو سبب، هیداووچی‌لر قیین‌چیلیکلرینی حل قیلیش اونملی مسله‌لردن بیری دیر.
