اسلام امیرلیگی سوزلاوچیسی ذبیح‌الله مجاهد، اسلام امیرلیگی «خلق‌ارا جنایت محکمه»سینی رسمیت گه تانیمسلیگینی ایتگن.
مجاهد، ۱۳ میزان/۵ اکتوبر، دوشنبه کونی بیر بیانیه ترقه‌تیب خلق‌ارا جنایت محکمه‌سی‌نینگ اسلام امیرلیگی ایریم عملدارلرینی حبس گه آلیش حقیده‌گی قرارینی قاره‌لگن.
او، اسلام امیرلیگی رهبرلری، حبس گه آلینیشی یا کی بیرار محکمه تامانیدن جزالنیشیگه سبب بوله‌دیگن هیچ قنده‌ی خلاف ایش قیلمه‌گنینی بیلدیرگن.
اسلام امیرلیگی سوزلاوچیسی‌نینگ بیاناتی بیر قسمی‌ده شونده‌ی دییله‌دی: «افغانستان بونده‌ی تشکیلات‌لردن اوز آبروسی و نفوذینی سقلش اوچون اوز وکالتی و حقوق‌لری دایره‌سیدن تشقری‌ده بولگن دعوالرنی ایلگری سورمسلیکنی سوره‌یدی.»
