پکتیا و کندز امنیتی مسؤل‌لری نینگ ایتیش‌لریچه، اوشبو ایکی ولایتده طالبان هجومی سبب، مردمی کوچلردن ۶ ته‌سی هلاک ایتیلگن.
پکتیا پولیس قومندانلیگی سرپرستی لطف‌الله کامران نینگ سلام‌وطندارگه ایتیشیچه، طالبان تامانیدن اوتگن کیچه اویوشتیریلگن هجوم نتیجه‌سیده، مردمی کوچلردن ۲ ته‌سی هلاک و باشقه ۴ باله یره‌لنگن.
جناب کامران گه کوره، اوشبو هجوم اوتگن کونی شام چاغیده پکتیا مرکزی گردیز شهری نینگ «باغکی» منطقه‌سیده اویوشتیریلگن. جناب کامران نینگ کوپه‌یتیرشیچه، هجومچی‌لر «چادر» دن استفاده قیلیب امنیتی کوچلرگه اوق آتگنلر، لیکن یره‌لنگن کیشی‌لر نینگ ساغلیق وضعیتی یخشی دیر.
انه‌شوحالده، قندوز امنیتی مسؤل‌لری نینگ ایتیش‌لریچه، دشت ارچی تومنیده طالبان گروهی نینگ نفوذی هجومی باعث، مردمی کوچلردن ۴ ته‌سی هلاک ایتیلگن.
امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن کونی طالبان گروهی نینگ ۳ نفوذی عضوی مردمی کوچلر اعضالریدن بیری نینگ یاردمی بیلن دشت ارچی تومنی نینگ “سلطان آباد” منطقه‌سیده‌گی پوسته‌گه مهمان بولیب بارگنلر.
منبع نینگ کوپه‌یتیریشیچه، مذکور کیشی‌لر اوتگن کیچه ساعت ۱۲ بجه‌ده امنیتی کوچلر اوستیگه اوق آتیب، مردمی کوچلردن ۴ ته‌سینی اولدیرگنلر.
منبع گه کوره، طالبان گروهی نینگ نفوذی جنگریلری قورال و اوقلرنی اوزلری بیلن آلیب کیتگنلر.
عین‌حالده، دشت ارچی تومنی نینگ ولسوالی نبی کاکر اوشبو واقعه‌نی تصدیق‌لب ایتیشیچه، طالبان گروهی نینگ نفوذلی عضویلری تامانیدن اوق آتیلگنی باعث، مردمی کوچلردن ۲ ته‌سی هلاک ایتیلگن.
طالبان گروهی حاضرگه‌قدر بوتوغریده فکر بیلدیرمه‌گن.
