قندوز ولایتی پاسپورت عمومی مدیریتی مسئوللری اخرگی ایکی آیده اوشبو اداره نینگ درآمدی مثلسیز درجهده آشکنیدن خبر بیریب ایتیشلریچه، قندوز پاسپورت عمومی مدیریتی ایش گه باشلهگنیدن حاضرگچه پاسپورت طلبگارلری گه کمیده ۶۰۰۰ پاسپورت ترقهتکن.
قندوز پاسپورت عمومی مدیری عبدالولی شعیب نینگ سلاموطندارگه ایتیشیچه، اولر اخرگی ایکی آیده پاسپورت طلبگارلریگه پاسپورت ترقهتیش بوییچه ۳۵ میلیوندن آرتیق افغانی درآمد قیلیب و دولت خزانهسیگه تاپشیرگنلر.
بیزلرنینگ فیسبوک صحیفهمیزگه باش اورینگ!
اونینگ ایتیشیچه، اخرگی ایکی آیده تخمیناْ ۶۰۰۰ ینگی پاسپورت ترقهتیلگن و اوشبو جریان عادی روشده دوام ایتماقده. اونینگ اورغولشیچه، اوشبو اداره نینگ خادملری نوبت و وطندوستلیک حسی بیلن ایشلماقدهلر و بیمارلیکلری آغیر بولگنلرگه اوستونلیک بیریلهدی.
باشقه تاماندن قندوز یشاوچیلریدن میراحمد و حبیبالله، پاسپورت آلیش مقصدیده مذکور ادارهگه مراجعت قیلگنلر نینگ ایتیشلریچه، سابق دولتگه نسبتن حاضر فساد یوق و ایشلری قولیلیک و یخشیلیک بیلن بجریلهدی.
بیزلرنینگ توییترده هم تعقیب قیلینگ!
قندوز ولایتی پاسپورت عمومی مدیریتی مسئوللری نینگ تاکیدلشلریچه، اولر اوشبو ادارهده فساد و رشوتنی آلدینی آلگنلر، فساد و کمیشنکارلیک قیلگنلرنی قولگه آلیب عدلی و قضایی ادارهلرگه تانیشتیره دیلر.