قندوز محلی و ولایتی کینگش مسئول‌لری‌نینگ ایتیش‌لریچه، اوشبو ولایتی‌نینگ امام‌صاحب تومنیده جایلشگن چیگره کوچلر کندکی ده پارتلش ماده جایلشتیریلگن بیر موتر پارتله‌تیلگن.
قندوز ولایتی کینگش باشلیغی محمد یوسف ایوبی‌نینگ ایتیشیچه، بوگون (سه‌شنبه، ۱۳- میزان) طالبان گروهی پارتلش ماده یوک‌لنگن موترنی بو کندک‌نینگ ایچیگه پارتلتگن.
اونینگ ایتیشیچه، امنیتی کوچلر و طالبان گروهی‌نینگ آره‌سیده آتیشمه نی حاضرگچه دوامی بار.
امام‌صاحب تومن ولسوالی محبوب‌الله سعیدی بو واقعه‌نی تصدیق‌لب ایتیشیچه، پارتلش نینگ قنده‌یلیگی حاضرگچه بیللی بولمه‌گن و تدقیقی گروهی تدقیقات‌گه باشله‌گن.
بو واقعه‌نینگ تلفات رقمی حاضرگچه بیللی ایمس و امنیتی مسئول‌لر بو حقده هیچ بیر نرسه ایتمه‌گن.
قندوز ولایتیدن امنیتی بیر منبع کیم‌لیگی سیرقالیش‌نی ایسته‌ب سلام‌وطندارگه ایتیشیچه، بو واقعه‌ده چیگره کوچلردن ۵ ته‌سی هلاک و باشقه ۱۲ ته‌سی یره‌لنگن.
منبع‌گه کوره، تلفات رقمی کوپه‌یماقده و چیگره کوچلردن قطاری ویرانه‌لر آستیده قالگن.
اونینگ کوپه‌یتیریشیچه، امنیتی کوچلر و طالبان گروهی آره‌سیده آتیشمه‌لرنی دوامی بار.
۲۱۷ پامیر قول‌اردو سوزلاوچیسی‌نینگ اورین باسری هادی جمال‌نینگ ایتیشیچه، بیر خودکش هجومچی بوگون ساعت ۷ اطرافیده پارتلش ماده جایلشتیریلگن بیر موترنی کندک‌نینگ ایچیگه پارتلتماقچی ایکن، بیراق هجوم اویشتیریشدن آلدین امنیتی کوچلر تامانیدن تانیلیب هلاک ایتیلگن.
اونینگ ایتیشیچه، بو واقعه‌دن سونگ هجومچی‌لر و امنیتی کوچلر آره‌سیده آتیشیمه یوز بیرگن و بو آتیشمه‌ده بیر قطار هجومچی‌لر هلاک و بیر قنچه‌سی منطقه‌دن قاچیب کیتگن.
سلام‌وطندار خبرچی‌سی حکیم حساس امام‌صاحب تومنی نینگ ۵۰ یاتاقلی کسلخانه‌سیدن ایتیشیچه، بیر قطار هلاک و یره‌لنگن چیگره کوچلر بو کسلخانه آلیب کیلینگن، بیراق خبرچیلر یره‌دار بیلن صحبت اوتکزیش اوچون امنیتی کوچلر آرقه‌لی رخصت بیریلمه‌گن.
اونینگ ایتیشیچه، امام‌صاحب تومنی‌نینگ وضعیتی خواطرلنتروچی دیر و حاضرگچه ایکی تاماندن اوق آتیش سیسی ایشیتیلماقده.
شونینگدیک طالبان گروهی حاضرگه‌قدر بو توغریده هیچ بیر فکر بیلدیرمه‌گن.
