بوگون “یکشنبه” توش‌دن آلدین پارتلش ماده یوک‌لنگن بیر موتر غور ولایتی نینگ پولیس قومندانلیگی برابریده پارتله‌تیلگن.
غور امنیتی مسوول‌لری حاضرگه‌قدر بو واقعه نینگ تلفاتی خصوصیده صحبت قیلمه‌گن، بیراق غور ولایتی بوییچه سلام‌وطندار خبرچی‌سی معروف سعیدی، حاضرگه‌قدر ۱۰ تینچ اهالی هلاک ایتیلگنی‌نی بیلدیرگن.
جناب سعیدی گه کوره، غور امنیتی مسوول‌لر قربان بولگن‌لرنینگ جسدلرینی یقیلگن دیوارلر آستیدن چیقاریش اوچون سعی و حرکت قیلماقده‌لر.
عین‌حالده، غور ولایتی بوییچه ساغلیق‌نی سقلش ریاستی مسوول‌لری نینگ ایتیش‌لریچه، حاضرگه‌قدر ۱۴ جسد و ۱۲۵ یره‌دار کیشی کسلخانه‌گه انتقال بیریلگن.
حاضرگه‌قدر طالبان شامل هیچ‌بیر گروه بو واقعه مسوولیتی‌نی بوینیگه آلمه‌گن.