Asset 1SWN

صالح: کابل بیلیم یورتی اوستیگه اویوشتیریلگن هجوم «استخباراتی ناکام‌لیگیمیز» دیر

123539845_3289819701243882_17792266417191680_n

بوگون “دوشنبه” ایرته‌دن چاغیده قوراللی هجومچی‌لری کابل بیلیم یورتی اوستیگه هجوم قیلگن.

جمهورلیک ریاستی بیرینچی اورین باسری امرالله صالح، کابل بیلیم یورتی اوستیگه اویوشتیریلگن هجوم نی «استخباراتی ناکام‌لیک» و انسانی فاجعه عنوان قیلگن.

جناب صالح نینگ ایتیشیچه، اوشبو هجوم «طالبان و شیطان‌لیک یاردمچی‌لری نینگ ایشی دیر. جناب صالح نینگ توییتر صحیفه‌سیده یازیشیچه: «بو هجوم طالبان و یاردمچی نینگ وجدان‌سیز بولگنینی کورسته‌دی و بو هجوم هیچ‌بیر زمان توجیه قیلینمه‌یدی.»

جمهورلیک ریاستی سوزلاوچیسی صدیق صدیقی نینگ توییتر صحیفه‌سیده یازیشیچه، تروریست‌لر هلمند ولایتیده شکست بیلن دوچ کیلگنی سبب، اکادمیک مکان‌لر اوستیگه هجوم قیلیش‌گه قرار قیلگن‌لر.

عین‌حالده، ملی مصالحه کینگشی باشلیغی عبدالله عبدالله، کابل بیلیم یورتی اوستیگه اویوشتیریلگن هجوم‌نی ناجوان‌مردانه عنوان قیلیب و قاره‌لگن. اونینگ ایتیشیچه، تعلیمی نهادلرنی هجوم آستیگه قرار بیریش فاجعه‌لی جنایت دیر. جناب عبدالله نینگ کوپه‌یتیریشیچه، اوقووچی‌لرنی تینچ فضا ده تحصیل قیلیش اوچون حق‌لری بار.

شونینگدیک، افغانستان بوییچه ناتو نینگ ملکی نماینده‌سی استفانو پونتیکورو، کابل بیلیم یورتی اوستیگه اویوشتیریلگن هجوم‌نی قاره‌لگن. جناب پونتیکورو نینگ ایتیشیچه : «سونگی ۱۰ کون جریانیده تعلیمی نهادلرگه قرشی بو ایکینچی هجوم دیر. باله‌لر و یاش ییگیت‌لرنی تینچ فضا ده تعلیم کوریش‌لری کیره‌ک.»

اونینگ کوپه‌یتیریشیچه، ناتو زوروانلیککه توسیق بولیش اوچون بولگن هر قنده‌ی سعی و حرکت‌لردن حمایت قیله‌دی.

ایچکی ایش‌لر وزیرلیگی سوزلاوچیسی طارق آرین نینگ ایتیشیچه، عصیانچی‌لرگه قرشی حربی عملیات کوپینچه دقت بیلن دوام قیلماقده. اونینگ کوپه‌‎یتیریشیچه، اوقووچی‌لردن یوزلرچه‌سی قوتقریلگن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام