«آفتاب» خیریه بنیادی، چهارشنبه کونی، ۱۲-میزان، کابل غربی‌ده عیال‌لر و ایرکک‌لر شامل ۴۰۰ کیشی نینگ اشتراکی بیلن، کتاب اوقیش بیلشووی نی یولگه قوییگن.
اوشبو برنامه تشکیلاتچیلری نینگ ایتیشلریچه، کابل ده کتاب اوقیش خصوصیده قیزیقیشلر آزه‌یگن و مذکور بیلشوو کتاب اوقیش مدنیتی نینگ رواجلنیشی مقصد، یولگه قوییگنلر.
مذکور کتاب اوقیش تشکیلاتچیلریدن بیری مصطفا علی‌پور نینگ ایتیشیچه، «عایله‌وی رسالت‌لرینگیزنی کینگه‌یتیرینگ» عنوانی‌ده بیر کتاب، بیلشوو اوچون انتخاب بولگن ایکن که، قیزلر بو بیلشوو نینگ بیرینچی اورین‌نی ایگه‌له‌گنلر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «اوشبو بیلشووده ایرکک‌لر و عیال‌لر شامل ۴۰۰ کیشی شرکت قیلگنلر که، بو بیلشووده مقصد، کتاب اوقیش مدنیتی نینگ رواجلنتیریش دیر که بیلشوودن کیین، نقدی پول و بورسیه کبی، تورلی مکافات‌لر نینگ اولر گه بیریلیشی ممکن.»
شونده‌ی بیرحالده، مذکور بیلشوو گه شرکت قیلگنلردن قطاری، بو کبی برنامه‌لر نینگ یولگه قوییلیشی نی، ییگیتلر آره‌سیده کتاب اوقیش مدنیتی نینگ رواجلنیشی خصوصیده فایده‌لی بیله‌دیلر.
بیزلرنینگ فیسبوک صحیفه‌میزگه باش اورینگ!
اوشبو بیلشووده۴۰۰ عیال و ایرکک آره‌سیده بیرینچی اورین‌نی فرزانه وفایی و ایکینچی اورین‌نی زهراکاظمی ایگه‌له‌گنلر. اولر اسلام امیر‌لیگی‌دن قیزلر گه تعلیم و ایش زمینه‌سی یره‌تیلیشی نی ایسته‌یدیلر.
فرزانه نینگ ایتیشیچه: «مذکور برنامه نینگ یولگه قوییلیشی بیزلر اوچون ایجابی تاثیری بار ایدی و حاضر مکتب و بیلیم یورت‌لردن محروم قالگن قیزلردن، مطالعه گه دوام بیریشلری نی ایسته‌یمیز و اسلام امیر‌لیگی‌دن عیال‌لر و قیزلر گه ایش زمینه‌سی یره‌تیلیشی نی ایسته‌میز.»
شونینگدیک زهرا نینگ ایتیشیچه: «بو کبی برنامه‌لر نینگ یولگه قوییلیشی تعلیم‌دن محروم قالگن قیزلر اوچون جوده‌یم فایده‌لی دیر و اوی‌ده بولگن قیزلر کتاب و آنلاین تعلیمی یولی آرقه‌لی مطالعه گه دوام بیریشلری کیرهک و اسلام امیر‌لیگی‌دن قیزلر یوزیگه مکتب‌لر و بیلیم یورت‌لر ایشیگی آچیلیشی نی ایسته‌یمیز.»
ایتیش کیرهک که، آلتینچی صنف‌دن یوقاری قیزلر یوزیگه مکتب‌لر ایشیگی یاپیق قالگنی‌دن ایکی ییل‌دن کوپ اوتگنی بیرحالده، مذکور بیلشووده قیزلر کوپراق پیش‌قدم بولگنلر.
