کابل یشاوچیلریدن قطاری مملکت بازارلریده ییگولیک ماده نرخ – نواسی کوتاریلگنیدن خواطر بیلدیریب ایتیشلریچه، مملکت یشاوچیلریدن کوپینچه‌سی اقتصادی قیینچیلیککه روپه‌ره هرکون ییگولیک ماده نرخ – نواسی کوتاریله‌دی و یشاوچیلر عایله‌لری نینگ نفقه‌لرینی تأمین‌لشگه قادر ایمس.
کابل یشاوچیلریدن بیری تهمینه نینگ ایتیشیچه: «یشاوچیلر خرید قیلیشگه قادر ایمسلر، آیلیک آله‌یاتگن بیرقطار کیشیلر آلگن ۵ مینگ یا ۱۰ مینگ آیلیکلرینی اویلرینی کرایه‌سی‌گه بیرسین‌لرمی یا عایله‌لری نینگ خره‌جت‌لرینی تأمین قیلیسین‌لر می بیزلر اصلاً ییگولیک ماده خرید قیلشگه قادر ایمس میز.»
شونده‌ی بیرحالده، کابل یشاوچیلریدن باشقه بیری بی بی غوتی نینگ ایتیشیچه، تورموش اورتاغی ناگران دیر و کرایی اویگه حیات کیچیره‌دی ییگولیک ماده نرخی کوتاریلیشی سبب اونینگ حیات وضعیتی یامانلشگن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن کابل بازارلریده ییگولیک ماده ساتووچی کیشیلردن قطاری نینگ ایتیشلریچه، بیرآیدن بویان مملکت بازارلریده ییگولیک ماده بهاسی مثل‌سیز درجه‌ده کوتاریلگن.
دوکاندارلردن بیری میرویس نینگ ایتیشیچه: «بیر آی آلدین بیر بوجی اون ۲۴۰۰ افغانی ایدی حاضر ۲۸۰۰ افغانی بولگن شونینگدیک بیر قوطی یاغ ۲۸۰۰ افغانی ایدی حاضر ۳۱۰۰ افغانی بولگن بیر بوجی برنج ۲۷۰۰ افغانی ایدی حاضر ۳۲۰۰ افغانی بولگن.»
اقتصادی ایش بیلرمان عبدالنصیر رشتیا نینگ ایتیشیچه، روسیه بیلن اوکراین اوروشی دنیا بازارلرده ییگولیک ماده بهاسی کوتاریلیشی گه سبب بولگن.
عین‌حالده، اقتصادی ایش بیلرمانلردن باشقه بیری تاج محمد تلاش نینگ ایتیشیچه، روسیه و اوکراین، دنیاده بوغدای صادر قیلووچی ایکی بویوک مملکت دیر اوشبو مملکت‌لر اورته‌سیده یوز بیرگن اوروش سبب دنیاده بوغدی بهاسی کوتاریلگن.
جناب تلاش نینگ کوپه‌یتیریشیچه: «اورپالیک مملکت‌لر ۵۰ الی ۵۵ فایز بوغدایلرینی روسیه‌دن ساتیب آله‌دیلر اوکراین و روسیه اوروشی دنیا بازارلریده سلبی تأثیر تشله‌گن.»
شونده‌ی بیرحالده، اقتصاد وزیرلیگی نینگ سوزلاوچیسی عبدالرحمن حبیب نینگ ایتیشیچه، اقتصادی بویوک پروژه‌لرنینگ ایکینچیلیک سکتوریده عملی ایتیلیشی مینگلرچه کیشیگه ایش زمینه‌سینی یره‌ته‌دی و مملکتده مذکور پروژه‌لر عملی ایتیلگن صورتده مملکت اوزینی تأمین‌لشگه قادر بولیشی ممکن.
بیزلرنینگ توییترده هم تعقیب قیلینگ!
تجارت و سوداگرلیک اتاقی نینگ عضوی خان جان الکوزی سلام‌وطندار بیلن اوتکزگن صحبتیده ایتیشیچه، سوداگرلرنینگ تَشقی مملکت‌لرده سودا ساتیق قیلیش اوچون نقد پول انتقال بیریش برابریده بولگن قیینچیلیکلر مملکتده ییگولیک ماده بهاسی کوتاریلگنی نینگ دلیللریدن بیری دیر.
ایتیش کیره‌ک دیر که حاضر مملکت بازارلریده بیر بوجی اون ۲۸۰۰ بیر بوجی برنج ۳۲۰۰ و بیر قوطی یاغ ایسه ۳۱۰۰ افغانی ساتیله‌دی.
یشاوچیلری اسلامی امارت‌دن مملکت بازارلریده ییگولیک ماده نرخ و نواسی نی نظارت قیلیشینی سوره‌یدیلر.
