بیر هفته‌دن بویان هرات ده یوک تاشووچی موترلرنینگ ایگه‌لری اسلام‌قلعه گمرکی ده یوزبیرگن یانغین ده کورگن ضررلری توللنمه‌گنی باعث هرات – اسلام‌قلعه و هرات – تورغندی قتناویوللری نینگ ترافیک یوزیگه باغلب و مذکور ایکی گمرک و شونینگدیک چیگره نینگ او تامانیده نفتی و ییگولیک ماده دن تولیق بولگن یوزلرچه موترنی توختتگن.
حاضر سوداگرلیک و سرمایه یاتقزیش و صنعت و کانلر اتاقلری مسئوللری، قتناویوللرنینگ باغله‌نیشی نی یمان عاقبتی توغریسیده آگاه‌لنتیریب و ایتیش‌لریچه، قتناویوللر باغله‌نیشی بیلن ییگولیک ماده و نفت بهاسی ۳۰ فایز یوقاری کیتگن و شونینگدیک هرات صنعتی شهرچه کارخانه‌لریدن ۸۰ فایزی نی ایشی توخته‌گن.
هرات سوداگرلیک و سرمایه یاتقزیش اتاقی بیرینچی اورین‌باسری عبدالطیف قناویزیان نینگ آگاه‌لنتیریشیچه، بو پروسه دوام تاپگن صورتده، مذکور ولایتده سوداگرلیک بوتونلی رکود بیلن روپه‌رو بولیشی ممکن.
هرات ده سوداگرلیک و سرمایه یاتقزیش اتاقی نینگ سرمایه یاتقزیش اورین‌باسری همده سوداگرلردن بیری احمدسعید عظمیان، اوتگن ایکی آیده اسلام‌قلعه گمرکی ده یوزبیرگن فاجعه توغریسیده حکومت نینگ توجه‌سیزلیگیدن تنقید قیلیب ایتیشیچه، کونده ۶۰۰ موتر دن آرتیق سوداگرلیک توارلر و صنعتی شهرچه نینگ خام موادی اسلام‌قلعه و تورغندی گمرکی آرقه‌لی هرات گه کیره‌دی ایدی، بیراق بیر هفته‌دن بویان ییگولیک ماده و نفت دن تولیق بولگن موترلر مذکور گمرکلر و چیگره نینگ او تامانیده توخته‌تیلگن.
شونینگدیک هرات صنعت و کانلر اتاقی باشلیغی حمیدالله خادم، سوداگرلیک توارلر نی انتقال بیریش یولی اوزگریشی و صنعتی شهرچه‌ده تولیدی ایش‌خانه‌لردن ۸۰ فایزی نینگ باغله‌نیشی خصوصیده آگاه‌لنتیرگن.
عین حالده، هرات یشاوچیلری نینگ ایتیش‌لریچه، سونگی نیچه کونده بیر کیلوگرام گاز و بیر لیتر پترول بهاسی ۱۰ افغانی و بیر بوجی اون و ۴ کیلولیک بیر بشکه یاغ بهاسی ۲۰۰ الی ۳۰۰ افغانی یوقاری کیتگن.
عین حالده، بیر هفته‌دن بویان اعتصاب قیلیب کیله‌دیگن یوک تاشووچی موترلرنینگ ایگه‌لریگه کوره، دولت حاضرگچه اولرگه هیچ قنده‌ی جواب بیرمه‌گن. اولرنینگ اورغولشیچه، حکومت اولرنینگ ضرری نی بیرگونگه قدر، هرات – اسلام‌قلعه و هرات – تورغندی قتناویولیده ترانزیتی موترلرگه کیریش اوچون رخصت بیرمه‌یش‌لری ممکن.
