Asset 1SWN

اسلام‌قلعه گمرکی ده یوزبیرگن یانغین ده حاضرگچه ۱۰ کیشی یره‌لنگن

WhatsApp-Image-2021-02-13-at-3.11.09-PM

هرات محلی رسمی‌لری نینگ ایتیش‌لریچه، اسلام‌قلعه-هرات چیگره گمرکی ده اونلرچه تانکر مواد اوت آلگن.

هرات حاکمی سیدعبدالوحید قتالی نینگ ایتیشیچه، بوگون (شنبه ۲۵- دلو) توشدن کیین اسلام‌قلعه-هرات چیگره گمرکی ده کینگ یانغین حادثه‌سی یوزبیرگن. هرات حاکمی گه کوره، هوایی یاردم بولمه‌گن صورتده، بو یانغین نی نظارت گه آلیش ناممکن دیر.

جناب قتالی نینگ کوپه‌یتیریشیچه، بو یانغین نی اوچیریش اوچون مملکت تشقی ایشلر وزیرلیگی آرقه‌لی ایران دن یاردم سوره‌گنلر؛ بیراق ایران بو یانغین نی اوچیریش اوچون کوچسیز دیر و شو یوزه‌دن حاضر چیت‌ایللیک کوچلردن یاردم سوره‌گنلر.

هرات حاکمی گه کوره، بو یانغین نی اوچیریش اوچون کوپ سعی و حرکت قیماقده‌لر و شونینگدیک ضررلر میزانی کوپ یوقاری دیر کیم یانغین نظارت گه آلینگنیدن کیین بیللی بولیشی ممکن. هرات حاکمی نینگ ایتیشیچه، مذکور یانغین سببی، تلفات و اوندن قالگن ضررلر میزانی حاضرگچه بیللی ایمس دیر.

عین حالده، هرات ساغلیک ریاست سوزلاوچیسی محمدرفیق شیرزی نینگ ایتیشیچه، مذکور حادثه‌دن حاضرگچه ۱۰ یره‌دار کهسان تومن ساغلیک مرکزلریگه انتقال بیریلگن. جناب شیرزی گه کوره، حادثه تلفاتی و ضررلری نینگ کوپه‌یش احتمالی بار.

شونینگدیک محلی یشاوچی‌لری نینگ ایتیش‌لریچه، مذکور یانغین ده گاز تانکرلری نینگ هیداوچی‌لریدن قطاری کویگن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام