هرات ولایتی حوزهوی کسلخانه مسئوللری نینگ ایتیشلریچه، اوشبو ولایت ده هییت کونلریده ترافیکی حادثهلر عاقبتیده اوچ کیشی هلاک بولیب و باشقه ۲۵۹ کیشی یرهلنگن.
هرات مرکزی کسلخانهسی نینگ عاجل بولیمی آمری فرهاد افضلی نینگ سلاموطندار گه ایتیشیچه، اوشبو ترافیکی حادثهلر نینگ ۸۰ فایزی شهر و ۲۰ فایزی ایسه تومنلرده یوز بیرگن.
بیزلرنینگ فیسبوک صحیفهمیزگه باش اورینگ!
جناب افضلی نینگ کوپهیتیریشیچه، مذکور ترافیکی واقعهلر طفیلی آغیر یرهلنگن ۳۰ کیشی، اوشبو کسلخانه ده دارو-دوالنماقده دیر.
عینحالده، هرات ترافیک مدیریتی مسئوللری نینگ ایتیشلریچه، بیش کون عمومی تعطیل جریانیده، هرات شهری نینگ تورلی بورچکلری و تومنلریده ۴۰ ترافیکی واقعه یوز بیرگن.
هرات ترافیک مدیریتی نینگ ترافیکی حادثهلرنی تیکشیریش آمری سیدغلامشاه یوسفی گه کوره: «۴۰ ترافیکی واقعه دن، ۱۷ تهسی کیچیک، ۲۱ تهسی اورته و ایکی فوتی واقعه دن عبارت دیر.»
بیزلرنینگ توییترده هم تعقیب قیلینگ!
هرات ترافیک مدیریتی نینگ ترافیکی حادثهلرنی تیکشیریش آمری، اوشبو ترافیکی واقعهلرنی هیداوچیلر نینگ دقتسیزلیگی و ترافیکی قاعدهلر رعایت ایتیلمسلیگی عنوان قیلهدی.