عصمت‌الله وردک، هرات صنعتی شهرچه‌سیده «کابل فولاد» ایش‌خانه‌سی نینگ مسئولی دیر. اونینگ ایتیشیچه، ۱۲ ییل آلدین ۲۰ میلیون دالر پول بیلن، بو ایشخانه نی قورگن ایکن.
عصمت‌الله وردک نینگ ایتیشیچه، مملکتده سونگی اوزگریش‌لیکلر، بانک‌لرنینگ باغلنیشی، خام ماده یوقلیگی و ایشخانه ده موجود موادلرنینگ ساتیلمه‌گنی باعث، حاضر ایش‌خانه‌سی نینگ فعالیتی توخته‌گن.
هرات ده ایش‌خانه‌دارلردن باشقه بیری عبدالمتین قلندری نینگ ایتیشیچه، اولردن کوپراغی مملکت کیله‌جگی بیللی بولمه‌گنی و سرمایه‌لری نینگ بانک‌لردن آلالمه‌گنلری باعث فعالیت قیلمه‌یدیلر.
اونینگ کوپه‌یتیریشیچه، «مملکت وضعیتی شونده‌ی بولگن که، سوداگرلر کیلیب و سرمایه یاتقزیش اوچون اعتماد قیله آلمه‌یدیلر.»
بیزلرنینگ فیسبوک صحیفه‌میزگه باش اورینگ!
مسئوللرگه کوره، هرات ده ایش‌خانه‌لرنینگ فعالیتی توخته‌لیشی بیلن، ۳ مینگ دن آرتیق کیشی هم ایش‌لرینی قولدن بیرگن و حاضر یمان اقتصادی وضعیتده حیات کیچیره‌دیلر.
هرات ده تولیدی ایش‌خانه‌لرنینگ ایشلاوچی‌لریدن بیری خلیل‌احمد نینگ ایتیشیچه، «بیزلر ۵ ییل دن بویان بو ییرده ایشله‌یمیز و بو شرکت دن کوپ راضی‌میز؛ اما مملکتده کیلگن تحولات دن بویان بیزلرنینگ ایشی‌میز هم توخته‌گن. بیزلر ۱۰ کیشی بیر عایله‌ده یشه‌یمیز و بیزلرنینگ گذاره‌میز بولمه‌یدی.»
هرات ده تولیدی ایش‌خانه‌لرنینگ ایشلاوچی‌لریدن باشقه بیری عبدالجبار نینگ ایتیشیچه، «نیگه قیینچلیکلر کوپ دیر؟ چونکه حیات آلغه کیتمه‌یدی. ایران هم شونده‌ی دیر. مین اوچ ییل دن بیری شو ییرده من، هیچ بیر قیینچلیک یوق ایدی.»
عین حالده، هرات ده کانلر و صنعتلر رئیسی حمیدالله خادم نینگ ایتیشیچه، ینگی دولت کیلیشی بیلن مذکور ولایتده ۱۰۰ تولیدی ایشخانه نینگ فعالیتی توخته‌گن و اولر اسلامی امارت مسئوللری نینگ اویغونلیگی بیلن،َ بو ایش‌خانه‌لرنینگ قیته فعالیت قیلیشی گه زمینه یره‌تیش‌لری ممکن.
هرات کانلر و صنعتلر اتاق باشلیغی نینگ کوپه‌یتیریشیچه، «۱۰۰ ایشخانه باغلنگن، ۷۰ الی ۸۰ ایشخانه فعال و نیمه فعال دیر. اسلامی امارت بویوک‌لری تامانیدن بیریلگن وعده و قولگه آلگن پلان‌لری اساسیده، بو ایش‌خانه‌لرنینگ قیته فعالیت قیلیشی توغریسیده امیدوارمیز.»
هرات ده ایش‌خانه‌دالرنینگ ایتیش‌لریچه، اولرنینگ قیینچلیک‌لری حل بولیب و قیته فعالیت گه باشلمه‌گن صورتده، اهالی نینگ ضرر کوریشی گه علاوه شونینگدیک میلیون‌لرچه دالر ضرر قیله‌دیلر.
