هرات ده ایکینچیلیک اویوشمه‌سی آچیلیشی بیلن بیرگه، اوشبو ولایت‌ده‌گی دهقانلردن قطاری بو اویوشمه نینگ آچیلگنی‌دن خورسند‌لیک قیلیب ایتیشلریچه، مذکور اویوشمه نینگ حمایتی بیلن قیینچیلیکلری حل بولیشی و محصوللری گه ماس بازار یره‌تیلیشی نی کوتماقده‌لر.
هرات ولایتی رباط‌سنگی تومنی‌ده ۲۰ ییل‌دن بیری ایکینچیلیک بیلن شغللنگن سلطان‌احمد مذکور اویوشمه نینگ آچیلگنی‌دن خورسند‌لیک قیلیب ایتیشیچه، یول نینگ اوزاق‌لیگی سبب، محلی مسئوللر بیلن علاقه قوره آلمس ایکن؛ بیراق حاضر ایسه بو اویوشمه گه اعضا بولگنی و هر تومن‌ده نماینده تعیین‌لنگنی بیلن هرات ده‌گی دهقانلر گه کوپراق آسایشته‌لیک یره‌تیلیشی خصوصیده امیدوار دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوتگن ییل‌لرده دهقانلر سیسی اونچه‌لیک ایشیتیلمس ایدی. دهقانلر و اسلام امیرلیگی آره‌سیده علاقه قوریش اوچون بولگن بو اویوشمه یولی آٰرقه‌لی اسلام امیرلیگی‌دن سیسیمیز نینگ ایشیتیشی نی کوتماقده‌میز.»
باشقه بیر تاماندن، اوشبو ولایت‌ده‌گی دهقانلردن باشقه بیری عظیمی نینگ ایتیشیچه: «دهقانلر برابریده بولگن قیین‌چیلیک‌لر نی که اسلام امیرلیگی هم جریانده دیر، بیراق ینه هم اوشبو اویوشمه آرقه‌لی کوپراق دهقانلر سیسی نی سرپرست حکومت گه ییتیشتیریش ایسته‌میز.»
هرات ده ایکینچیلیک ایشلری بوییچه ایش بیلرمانلر، مذکور اویوشمه نینگ آچیلیشی‌دن خورسند‌لیک قیلیب ایتیشلریچه، بو اویوشمه دهقانلر، محلی مسئوللر و یاردم بیرووچی نهاد‌لر آره‌سیده ارتباطی بیر کوپریک صفتیده عمل قیلیشی ممکن.
مذکور ایش بیلرمانلر نینگ کوپه‌یتیریشلریچه، اوشبو اویوشمه هرات نینگ اوزاق تومن‌لریده‌گی برچه دهقانلر نی بیر بیریگه یقین قیلدیریب و اوشبو ولایت دهقان‌لری گه کوپینچه آسایشته‌لیک‌لر نینگ یره‌تیشی ممکن.
اوشبو ولایت ایکینچیلیک ایشلری بوییچه ایش بیلرمان‌لریدن بیری بشیراحمد احمدی نینگ ایتیشیچه: «اوشبو اویوشمه نینگ قوریلیشی‌دن مقصد، بیر بیریگه یاردم بیریش دیر. بیر کیشی اوشه تومن نماینده‌لیگی گه، برچه زراعتی برنامه‌لر و پروگرام‌لر‌ده و برنامه‌لر نینگ تطبیق بولیشی‌دن هماهنگ‌لیک قیله‌دی. همکار موسسه‌لر بیلن ایکینچیلر قیین‌چیلیگی نی ییتیشتیریش و حل قیلیش قیله‌دی.»
شونده‌ی بیرحالده، هرات ایکینچیلیک بیرلشمه‌سی باشلیغی بشیراحمد بهادری نینگ سلام‌وطندار گه ایتیشیچه، حاضر ایسه اوشبو ولایت نینگ برچه تومن‌لریده بیر کیشی مذکور اویوشمه نینگ نماینده‌سی صفتیده عضویتی بار و بو نماینده دهقانلر قیین‌چیلیگی نی سوره‌ب و اویوشمه بیلن شریک قیله‌دی.
اونینگ کوپه‌یتیریشیچه: «برچه دهقان ایکینچیلیک بولیمی‌ده فعالیت قیله آله‌دی و اویوشمه عضویتی نی آلاله‌دی. حاضر ایسه تورلی تومن‌لردن ۳۳ کیشی نماینده صفتیده دیر. اویوشمه دهقانلر و حکومت و شونینگدیک زراعت بولیمی‌ده فعالیت قیله‌دیگن موسسه‌لر آره‌سیده ارتباطی بیر کوپریک کبی دیر.»
باشقه بیر تاماندن، هرات ایکینچیلیک، سووغاریش و چاروه‌چیلیک باشلیغی پیرمحمد حلیمی اوشبو اویوشمه نینگ اهمیتی گه تاکید‌لب ایتیشلریچه، اینگ یقین‌ده مذکور ولایت‌ده‌گی چاروه‌دارلری گه هم اویوشمه ایجاد بولیشی ممکن.
بیزلرنینگ «ایکس» ترماغی ده هم تعقیب قیلینگ!
هرات ده ایکینچیلیک اویوشمه‌سی آچیلگنی‌دن کیین، دهقانلر قیینچیلیکلری نینگ مسئوللر و نهاد‌لر بیلن درست شکلده شریک قیلینیشی و اونینگ حل بولیشی اوچون اقدام بولینیشی نی ایسته‌گنلر.
ایتیش کیره‌ک که، حاضر ایسه هرات ده ایکینچیلیک اویوشمه‌سی گه علاوه، زعفران ایشلاوچیلری، اره‌چیلر، سیگیر‌دارلر، تاووق‌چیلیک و گوشتلی تاقووقلر اویوشمه‌لری هم فعالیت قیلماقده.
