لوگر ایکینیچلیک، چارواچیلیک و سوغاریش ریاست مسئوللری نینگ ایتیشلریچه، اوشبو ییل مذکور ولایتده اوریک (زردالو) حاصلاتی ۳۰ فایز کوپه‌یگن دیر.
لوگر ایکینچیلیک، چارواچیلیک و سوغاریش ریاستی اورین باسری محمدرفیع ابراهیمی نینگ سلام‌وطندار گه ایتیشیچه، بو ییل لوگرده زردالو حاصلاتی کوزگه کورینرلی درجه‌ده کوپه‌یگن.
لوگر ایکینچیلیک ریاستی نینگ اورین باسری گه کوره، اوتگن ییلی اوشبو ولایت نینگ باغ‌لری ۲۱۲ تُن حاصل بیرگن ایدی، بیراق اوشبو ییل بو رقم ۲۷۵ تُن گه آشگن که ۳۰ فایز کوپه‌لیشینی کورسته‌دی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «پل‌علم شهری، چرخ، خوشی، محمدآغه، و بره‌کی تومن‌لری ده زردالو باغ‌لری موجود دیر. اوتگن ییل گه نسبتن بو ییل زردالو حاصلاتی ۳۰ فایز آشگن.»
لوگرده‌گی باغدارلر، اوشبو ولایت ده زردالو حاصلاتی آشیشینی تصدیقلب ایتیشلریچه، بازار یوق‌لیگی باعث، محصولات‌لرینی یریم قیمت گه ساته‌دیلر.
اولر، ایکینچیلیک، چارواچیلیک و صناعت و سوداگرلیک وزیرلیکلریدن، مملکت ایچکریسی و تشقریده محصولات‌لری اوچون بازار تاپیش‌لرینی طلب قیله‌دیلر.
لوگرده زردالو باغ‌دارلردن نعمت‌الله گه کوره: «بو ییل لوگرده حقیقتن هم زردالو حاصلاتی کوپه‌یگن، بیراق تأسف بیلن زردالو نینگ یخشی بازاری یوق ایدی. بیر سیر زردالو ۸۰ افغانی ساتیب آلینیب و ۱۵۰ افغانی ساتیلر ایدی.»
بیزلرنینگ توییترده هم تعقیب قیلینگ!
لوگرده زردالو باغ‌دارلریدن باشقه بیری محمدشاه نینگ ایتیشیچه: «مملکت ایچکریسی و تشقری ده محصولات‌لری اوچون بازار تاپیش مقصدیده دولت، باغ‌دارلرگه حفظ، پرورش و بازار قیدیریش ساحه‌لریده آگاهی‌لیک بیریشی کیره‌ک.»
لوگرده امیری، شکرپاره، قیسی، چهارمغزی و چرخی اسم‌لریده ۵ تورلی زردالو موجود و زردالو باغ‌لری پل‌علم شهری، چرخ، بره‌کی برک، خوشی و محمدآغه تومن‌لریده موجود دیر.
