لوگر مرکزی پل‌علم شهری حدودلریده‌گی قیشلاق یشاوچیلریدن قطاری، مذکور ساحه‌لرده قیز اوقووچیلر گه باشلنغیچ مکتب‌لر یوقلیگی‌‌دن شکایت قیله‌دیلر.
لوگر مرکزی پل‌علم شهری حدود‌لریده جایلشگن «التمور» منطقه یشاوچیسی محمد‌فاروق فاروقی نینگ سلام‌وطندار گه ایتیشیچه، مذکور منطقه‌ده قیزلر اوچون هیچ مکتب یوق و او اسلام امیر‌لیگی‌دن قیزلر گه تعلیم زمینه‌سی یره‌تیلیشی نی ایسته‌یدی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «قیغو بیلن قیزلر اوچون هیچ قنده‌ی بیر ایش صورت تاپمه‌گن و بو ییرده هیچ بیر مکتب یوق. ۲۱-قرن‌ده حیات کیچیره‌یپمیز و اهالی بیلیم اهمیتی نی بیلگنلر و قیزلری نینگ هم اوغیل‌لری کبی درس اوقیشی نی ایسته‌یدیلر. دولت‌دن منطقه‌لریمیز‌ده قیزلر اوچون مکتب توزه‌لیب و باشقه منطقه‌لرده قیزلر یوزی گه یاپیلگن مکتب‌لر نینگ قیته آچیلیشی نی ایسته‌یمیز.»
شونده‌ی بیرحالده، لوگر مرکزی پل‌علم شهری حدود‌لریده جایلشگن «بیدک و غیرت‌آباد» منطقهسیده محلی صنف‌لر و مسجد‌ده درس اوقیدیگن اوقووچی قیزلر، اسلام امیر‌لیگی و دنیا جماعه‌سیدن لوگر نینگ اوزاق منطقه‌لریده قیزلر مکتبی فعال و یاپیلگن مکتب‌لر نینگ قیته آچیلیشی نی ایسته‌یدیلر.
لوگر مرکزی پل‌علم شهری حدود‌لریده جایلشگن «بیدک» منطقهسیده محلی صنف‌لرده درس اوقیدیگن عایشه نینگ ایتیشیچه: «قیشلاغی‌میزده قیزلر اوچون مکتب یوق. کیله‌جک‌ده سینگیل‌لریمیز گه یاردم بیریش اوچون دولت‌دن قیزلر گه مکتب توزه‌لیشینی ایسته‌یمیز.»
لوگر مرکزی پل‌علم شهری حدود‌لریده جایلشگن «غیرت‌آباد» منطقهسیده مسجد‌لردن بیریده درس اوقیدیگن ملکه نینگ ایتیشیچه: «کیله‌جک‌ده داکتر بولیش نی ایسته‌یمن. قیشلاغی‌میزده مکتب یوق. دولت‌دن قیزلر اوچون مکتب‌لر توزه‌تیلیشی و یاپیق مکتب‌لر نینگ قیته آچیلیشی نی ایسته‌یمن.»
بیزلرنینگ فیسبوک صحیفه‌میزگه باش اورینگ!
شونینگدیک لوگر معارف ریاستی سوزلاوچیسی شاه‌پور عرب، اوشبو ولایت نینگ اوزاق بولیم‌لریده قیزلر مکتبی کملیگی خصوصیده‌گی قیینچیلیک نی تصدیقلب ایتیشیچه، بیرلشگن ملت‌لر تشکیلاتی نینگ باله‌لردن حمایت قیلووچی صندیغی یا-ده یونیسف نینگ مالی حمایتی بیلن، اوروش یوز بیرگن منطقه‌لرده بیرینچی صنف‌دن اوچینچی صنف قیز اوقووچیلر گه محلی صنف‌لر ایجاد بولگن.
جناب عرب نینگ کوپه‌یتیریشیچه، مذکور صنف‌لر لوگر ولایتی تومن‌‌لری و پل علم شهری نینگ اوزاق منطقه‌لریده ۲۰ مینگ اوقووچی نینگ درس اوقیشی اوچون صنف‌لر ایجاد بولگن.
ایتیش کیره‌ک که، لوگر ده فعالیت قیلیب کیله‌یاتگن ۲۷۵ مکتب دن ۱۰۰ مکتبی قیزلر گه عاید دیر. مذکور مکتب‌لرده ۵۰ مینگ گه یقین قیز تعلیم کورماقده؛ بیراق اوشبو ولایت‌ده هم آلتینچی صنف‌دن یوقاری قیز اوقووچیلر باشقه ولایت‌لر کبی مکتب‌لر آچیلیشی نی کوتیب تورگنلر.
