ایکینچیلیک اوچون سوو ییتیشمسلیگی مملکت نینگ برچه ولایت‌لری جمله‌دن لوگر ده‌گی ایکینچیلر دوچ بولگن قیینچیلیک‌لردن دیر و انه شوو سبب، ایکینچیلیک ییرلریدن یخشی حاصل قولگه کیلتیره آلمه‌یدیلر. لوگر ولایتی خروار تومنی‌ده‌گی ایکینچیلردن بیری احمدغنی نینگ سلام‌وطندار گه ایتیشیچه، ۱۰ جریب ایکینچیلیک ییری بار؛ بیراق سوو کم‌لیگی سبب، یالغیز ایکی جریب ییریگه بوغدای ایکیب و باشقه سکیز جریب ییری ایکین‌سیز قالگن.
اونگه کوره، خروار تومنی سوو توغانی قوریلگنی صورت‌‌ده، اوشبو تومن نینگ ایکینچیلیک بولمه‌یدیگن ییرلریدن کوپینچه‌سیگه نرسه ایکیلیب، باغ‌دارلر و ایکینچیلر نینگ سوو کم‌لیگی خصوصیده‌گی قیین‌چیلیگی مکمل شکلده حل بولیشی ممکن. او خروار تومنی گه علاوه، لوگر نینگ باشقه تومن‌لری گه هم برق ییتکزیلیشی اوچون تیگیشلی اداره‌لر گه خروار تومنی سوو توغانی نینگ ایکینچی بولیمی قوریلیش بویروغی نی بیرگن.
بیزلرنینگ فیسبوک صحیفه‌میزگه باش اورینگ!
احمدغنی نینگ کوپه‌یتیریشیچه: «تومنی‌میزده قوریله‌دیگن سوو توغانی اوچون جوده‌یم خورسند‌میز؛ چونکه بو توغان نینگ قوریلیشی بیلن، ایکینچیلیک بولمه‌گن ییرلر نینگ سوغاریلیشی و باغ‌دارلر و ایکینچیلر محصوللری و درآمدی کوپه‌یشی ممکن. بو یالغیز تومن اوچون ایمس؛ بلکیم لوگر و افغانستان اوچون فایده‌لی دیر. بو توغان نینگ اساسی شکلده قوریلیشی نی کوتیب تورگن‌میز.»
لوگر ولایتی دینگیزلر نی باشقریش بوییچه باشلیغی محمداسماعیل آخوندزاده نینگ ایتیشیچه، سوو و برق وزیرلیگی خروار توغانی قوریلیش ایشی نی ۱۰۰ میلیون افغانی ارزشی بیلن باشله‌گن و آلتی آی‌گچه ایشی بیتیب و قریب ۳۰ مینگ جریب ایکینچیلیک ییر نینگ سوغاریلیشی ممکن. آخوندزاده نینگ کوپه‌یتیریشیچه، بو توغان نینگ قوریلیشی بیلن ییر آستی سوولر سطحی یوقاری کیتیب و لوگر ولایتی منطقه‌لریدن کوپینچه‌سیده ایکینچیلیک سوو ییتیشمسلیک قیین‌چیلیگی حل بوله‌دی.
اونینگ کوپه‌یتیریشیچه: «قریب ۴۵ متر بلند‌لیک و ۷۵ متر کینگلیگی بولگن اوشبو توغان نینگ قوریلیشی بیلن، ۳۰ مینگ جریب ییر نینگ سوغاریلیشی ممکن. خروار تومنی گه علاوه، بوتون لوگر ده‌گی ییر آستی سوولر سطحی یوقاری کیله‌دی.» باشقه بیر تامان‌دن خروار تومنی سوو توغانی مسلکی مهندسی فضل‌الرحمان عمرزی نینگ ایتیشیچه، ۳۶ متر بلند‌لیک، ۱۴۰ متر اوزون‌لیک و ۲۰ متر کینگلیگی بولگن اوشبو توغان، ۱۷ میلیون مترمکعب سوو نینگ ذخیره قیلیشی ممکن. اونینگ کوپه‌یتیریشیچه، مذکور توغان نینگ قوریلیشی بیلن، قریب ۱۳ مینگ عایله اوندن فایده‌لنه‌دی.
اونینگ اورغولشیچه: «مذکور توغان نینگ قوریلیشی اساسی فایده‌سی بو که، بیزلر اونی تیکشیره‌میز، فعال بولمه‌گن کاریزلر و قودوق‌لر قیته فعال بوله‌دی. توغان نینگ اطرافیده‌گی منطقه، اهالی اوچون دم آلیش بیر منطقه گه اوزگره‌دی. خروار تومنی یشاوچیلری گه بو یخشی بیر خبر دیر که، مذکور توغان نینگ ایکینچی مرحله‌سیده برق نینگ ایشلب چیقریلیشی ممکن.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، لوگر ایکینچیلیک، سوغاریش و چاروه‌چیلیک ریاستی نینگ ییتکرمه‌لر بولیمی مسئولی شاهدالله همراز نینگ ایتیشیچه، خروار توغانی ایکینچیلیک و باغ‌دارلیک بولیمی‌ده کوپینچه اهمیت گه ایگه دیر و اونینگ قوریلیشی بیلن ایکینچیلیک بولمه‌یدیگن مینگلرچه جریب ییر نینگ سوغاریلیشی ممکن.
اونینگ کوپه‌یتیریشیچه: «خروار تومنی سوو توغانی قوریلیش عملیاتی ۴۲ فایز پیش کیتگن و بو پروسه نینگ دوامی بار. مذکور توغان نینگ قوریلیشی بیلن ۳۰ جریب ییر سوغاریله‌دی و ایکینچیلیک اوچون کوپ اهمیت گه ایگه دیر. ایکینچیلیک بولمه‌یدیگن ییرلر توزه‌تیله‌دی. ییر آستی سوولر سطحی یوقاری کیته‌دی. توپراق نینگ بوزیلیشی، سوو تاشقین و قوروق‌چیلیک آلدی آلینه‌دی.»
محلی مسئوللر نینگ ایتیشلریچه، بو توغان نینگ قوریلیش ایشی بیرینچی مرته ۱۳۱۰-ییل‌ده باشلنیب؛ بیراق بیر قطار قیین‌چیلیکلر سبب ایشی یریم قالگن و اونینگ قیته قوریلیش ایشی ایسه نیچه آی آلدین سوو و برق وزیرلیگی بودجه‌سی بیلن باشلنگن.
