لوگر ولایتی بوییچه عیاللر ریاستی مسووللری نینگ ایتیش‌لریچه، اوشبو ولایتده عیاللرنینگ قول صناعتی کوپه‌یگن. اولرنینگ ایتیش‌لریچه، لوگر مرکزی پل‌علم شهری و بیرقطار تومن‌لرده کوپ قطار عیاللر قول صناعتی بیلن شغللنه‌دیلر و انه‌شو شغل آرقه‌لی درآمد کسب قیله‌دیلر.
لوگر ولایتی بوییچه عیاللر ریاستی باشلیغی شیما زرگرنینگ سلام‌وطندارگه ایتیشیچه، کوپ قطار عیاللر خیاط لیک، گل تیکیش و باشقه بولیم‌لرده تعلیم کورگن‌لر و حاضرده انه‌شو شغل آرقه‌لی عایله‌لری نینگ کونده‌لیک خره‌جتینی تامین قیله‌دیلر.
خانم شیما نینگ کوپه‌یتیریشیچه، حاضرده ۱۰۰ دن آرتیق عیال پل‌علم شهری و باشقه بیرقطار تومن‌لرده قول صناعتی بیلن شغللنهدی و اوشبو اداره، قول صناعت‌لریگه بازار تاپیش اوچون سعی و حرکت قیلهدی.
لوگر ولایتی بوییچه عیاللر ریاستی باشلیغی نینگ کوپه‌یتیریشیچه، قول صناعتی بیلن شغللنه‌دیگن عیاللردن کوپراغی کم‌بغل عایله‌لردن دیر.
عین‌حالده، قول صناعتی بولیمیده فعالیت قیله‌دیگن عیاللردن بیرقطاری نینگ سلام‌وطندارگه ایتیش‌لریچه، بیر ییل دن بویان تورلی کییم‌لرنی تیکیب بازارگه عرضه قیله‌دیلر. اولرنینگ کوپه‌یتیریش‌لریچه، لوگر ولایتیده قول صناعتی نینگ بازاری یخشی‌لنگن.
قول صناعتی بولیمیده فعالیت قیله‌دیگن عیاللردن بیری نینگ ایتیشیچه: « بیر ییلدن بویان قول صناعتی بولیمیده ایش قیله‌من. قول صناعتی بولیمیده کییم، موبایل پوشی، گلاس پوشی و مهره تیکیش بیلن شغللنه‌من. دولتدن قول صناعت‌لریگه مناسب بازار تاپیشی‌نی ایسته‌یمن.»
شونینگدیک، لوگر ولایتی بوییچه عیاللر ریاستی مسووللری نینگ ایتیش‌لریچه، اوشبو ولایت دولتی و غیر دولتی نهادلریده عیاللرنینگ استخدام ایتیلیشی اوتگن ییل‌لرگه قره‌گنده ۲۱% کوپه‌یگن.
