قیشلاق‌لر نی رواجلنتیریش و قیته قوریش وزیرلیگی مسئوللری نینگ ایتیشلریچه، پکتیا ده ۴۰ میلیون افغانی‌لیک اوچ توغان و باشقه بیر قطار لایحه‌لر ایشی باشلنگن.
مذکور توغان‌لر نینگ قوریلیش ایشی، اوتگن جمعه کونی، ۱-جدی، قیشلاق‌لر نی رواجلنتیریش و قیته قوریش وزیرلیگی سرپرستی محمدیونس آخوندزاده نینگ حضوری بیلن باشلنگن.
بیزلرنینگ «ایکس» ترماغی ده هم تعقیب قیلینگ!
قیشلاق‌لر نی رواجلنتیریش و قیته قوریش وزیرلیگی مسئوللری گه کوره، اوشبو اوچ توغان پکتیا ولایتی زرمت، روحانی بابا و سید کرم تومن‌لریده قوریله‌دی.
قیشلاق‌لر نی رواجلنتیریش و قیته قوریش سرپرستی نینگ ایتیشیچه، توغان قوریلیش ایشی نینگ باشقه ولایت‌لرده هم باشلنیشی ممکن.
اونگه کوره، اسلام امیرلیگی افغانستان بویلب برچه تومن‌لرده توغان قوریلیشی گه قرار آلیب و مملکت نینگ ۴۲۰ تومنی‌ده، اونینگ قوریلیش ایشی اوچ وزیرلیک آره‌سیده بولینگن.
آخوندزاده نینگ ایتیشیچه: «۱۳ ولایت‌ده ۱۴۰ توغان نینگ قوریلیش ایشی قیشلاق‌لر نی رواجلنتریش و قیته قوریش وزیرلیگی گه تاپشیریلگن.»
بیزلرنینگ فیسبوک صحیفه‌میزگه باش اورینگ!
نیچه مدت آلدین پکتیا دریاسی نینگ فرعی حوزه مسئوللری سلام‌وطندار گه، اوشبو ولایت‌ده پاک ایچیم‌لیک سوو کاریزلریدن ۳۰ فایزی قوریگنی و شونینگدیک بولاق‌لردن قریب ۵۰ فایزی نینگ اورته‌دن کیتگنی نی بیان قیلگن ایدیلر.
