تورکیه ییتکرمه‌لری‌نینگ خبریگه کوره، بو مملکت «مکه مدافعه کیلیشووی»دایره‌سیده سعودی عربستان‌ده «حربی پایگاه» تشکیل ایتیش امکانیتینی کوریب چیقماقده.
خبر گه کوره، انقره سعودی عربستان‌ده تورته مهم گاز و برق آست قوریلمه‌لرینی حمایه قیلیشده اشتراک ایتیشنی ریجه‌لشتیرگن. شونینگدیک حاضرگچه بو مملکت گه ۲۰۰ دن آرتیق تورکیه‌لیک حربی متخصص یوباریلگن.
تورکیه حربی کوچلری‌نینگ سعودی عربستان‌ده جایلشتیریلیشی مذکور مملکت پارلمانی‌نینگ تصدیقینی طلب قیله‌دی. بو موضوع گه دایر آواز بیریش جاری ییل اکتوبر آیی‌ده اوتکزیلیشی کوتیله‌دی.
اول‌راق، انقره و اسلام‌آباد مکه مدافعه کیلیشووی دایره‌سیده سعودی عربستان‌ده حربی کوچلرنی جایلشتیریشی حقیده خبر بیریلگن ایدی.
ایسله‌تیب اوته‌میز، ۱۶ اسد/۷ آگست کونی جده شهریده سعودی عربستان ولیعهدی و باش وزیری شاهزاده محمد بن سلمان، تورکیه جمهور باشلیغی رجب طیب اردوغان و پاکستان باش وزیری شهباز شریف اشتراکی بیلن بو اوچ مملکت اورته‌سیده قوشمه مدافعه کیلیشووی امضالندی.
