چین جمهور باشلیغی شی جینپینگ، بوگون (۱۸ جوزا/۸ جون، دوشنبه) ایرتهلب ایکی کونلیک سفر بیلن پیونگ یانگ گه ییتیب باریش بیلن، شمالی کوریا عملدارلری بیلن رسمی اوچرهشوولرنی باشلهگن.
اولراق چین تشقی ایشلر وزیرلیگی، تشریف ۸-۹ جون کونلری کوریا خلق دموکراتیک جمهوریتی رهبری کیم جونگ اون تکلیفی گه بناً عملگه آشیریلیشینی بیلدیرگن ایدی.
تشریف پکن و پیونگ یانگ اورتهسیدهگی فعاللشگن علاقهلر دایرهسیده اوتماقده. چین کوریا خلق دموکراتیک جمهوریتینینگ اساسی اقتصادی و سیاسی همکاری حسابلنهدی. ایکی دولت مناسبتلری عادتده کوریا یریم آرالیدهگی برقرارلیکنینگ مهم عامللریدن بیری صفتیده قرهلهدی.
حاضرگچه مذاکرهلرنینگ انیق موضوعسی آشکار ایتیلمهگن. چین حکومتی اولراق، ایکی تامانلمه مناسبتلر و استراتیژیک همکارلیکنی رواجلنتیریش مهملیگینی تأکیدلهگن ایدی.
تشریف دوامیده، تامانلر همکارلیک، منطقهوی خوفسیزلیک و خلقارا کون ترتیبی مسئلهلرینی محاکمه قیلیشی کوتیلهدی.
شی جینپینگ، ییتی ییلدن سونگ شمالی کوریا گه بارگن.
