اسلام امیرلیگی زراعت وزیری مولوی عطاءالله عمری، اوزبیکستان ایکینچیلیک وزیرلیگی‌نینگ رسمی تکلیفی گه بناً بو مملکت گه بارگن.
ایکینچیلیک وزیرلیگی، بوگون بیر بیانیه ترقه‌تیب، مولوی عطاءالله عمری ۱۵-۱۶ میزان کونلری تاشکینت شهریده اوتکزیلیشی ریجه‌لشتیریلگن دینگیز گه چیقیش امکانیتی بولمه‌گن مملکتلرنینگ آزیق-آوقت خوفسیزلیگی و برقرار رواجلنیش گه بغیشلنگن جهان تخنیک فورمی‌ده اشتراک ایتیش اوچون اوزبیکستان گه ییتیب بارگنینی معلوم قیلگن.
عمری جنابلری اوشبو سفری دایره‌سیده، اوزبیکستان عملدارلری بیلن ایکینچیلیک، سووغاریش، چارواچیلیک، سودا و سرمایه کیریتیش بولیمیده افغانستان و اوزبیکستان اورته‌سیده‌گی همکارلیک‌لر مستحکم‌لنیشی حقیده بحث ایتیشی کوتیله‌دی.
افغانستان هیئتی شونینگدیک، فورم‌ده اشتراک ایته‌دیگن ممکتلرنینگ وکیللری بیلن، ایکینچیلیک محصولات‌نی صادر قیلیش، سرمایه کیریتیشنی جلب قیلیش حقیده بحث ایتیشی ممکن.
اسلام امیرلیگی ایکینچیلیک، سووغاریش و چارواچیلیک وزیری اوشبو سفری دایره‌سیده، اوزبیکستان «اسلام تمدنی مرکزی» گه هم تشریف بویریب، ایکی مملکت اورته‌سیده‌گی مشترک مدنی و تاریخی جهت‌لر گه علیحده اعتبار قره‌تگن.
