بلخ ولایتیده ییرلرنی تصفیه قیلیش کمیسیون مسئوللری، اوشبو ولایتده ۲۲ ته شهرچه تیکشیرولردن کیین امارتی اعلان قیلینگنینی معلوم قیلدی.
بلخ ولایتیده ییرلرنی تصفیه قیلیش کمیسیون باشلیغی محمدموسی مبین، بوگون (۱۴ میزان/۶ اکتوبر، سه‌شنبه) ایتیشیچه، حاضرگچه ۷۵ ته شهرچه تیکشیریلگن و اولردن ۲۲ ته‌سی امارتی اعلان قیلینگن.
مبین گه کوره، اوشبو ۲۲ ته شهرچه‌ده دییرلی ۸۵ مینگ ۷۷ جریب ییر، تیکشیرولردن کیین امارتی اعلان قیلینگن.
بلخ ولایتیده ییرلرنی تصفیه قیلیش کمیسیون باشلیغی‌نینگ ایتیشیچه، اوشبو کمیسیون تامانیدن بلخ ولایتی بویلب امارتی ییرلرنی انیقلش جریانی دوام ایتماقده و تیکشیرولر نهایی بولمه‌گونچه هیچ کیمگه ساتیش و آلیشگه رخصت بیریلمه‌یدی.
بوندن ایلگری هم، اسلام امیرلیگی عدلیه وزیرلیگی تامانیدن بلخ ولایتیده یوزلب جریب ییر امارتی دیب اعلان قیلینگن ایدی.
