اسلام امیرلیگی تشقی ایشلر وزیری مولوی امیرخان متقی، کابلده روسیه ایلچیسی دیمیتری ژیرنوف بیلن اوچرهشدی.
اسلام امیرلیگی تشقی ایشلر وزیرلیگی، بوگون (۱۴ سنبله/۵ سپتمبر، شنبه) ایکس اجتماعی ترماغیده بیر بیانیه ترقهتیب، متقی و ژیرنوف افغانستان و روسیه اورتهسیدهگی علاقهلر کینگهیتیریلیشی، ایکی مملکتنینگ قوشمه منفعتلری و مناسبتلرنی مستحکملش مسئلهلری حقیده بحث ایتگنینی بیلدیرگن.
بیانیه گه کوره، تامانلر منطقهدهگی وضعیت یوزهسیدن اوز قرهشلرینی بیر-بیری بیلن اورتاقلشیب و منطقهده دوام ایتهیاتگن اوزگریشلرنی حساب گه آلگن حالده، افغانستان و روسیه اورتهسیدهگی مناسبتلرنینگ دوام ایتیشی هر ایکی دولت منفعتلریگه ماس ایکنینی تأکیدلشگن.
روسیه، اسلام امیرلیگینی رسماً تن آلگن و سونگی بیش ییلدن آرتیق وقت دوامیده افغانستان بیلن یخشی سیاسی و اقتصادی علاقهلرنی یولگه قویگن مملکت حسابلنهدی.
