اوزبیکستان تشقی ایشلر وزیری اورین باسری میرواحد عظیموف، ۸ عقرب/۳۰ اکتوبر، جمعه کونی تورکیه پایتختی انقره شهریده بولیب اوتگن تورکی دولتلر تشکیلاتی‌نینگ (TDT) ۱۳-ییغیلیشی دایره‌سیده، دولت رهبرلری کینگشی‌نینگ قراری بیلن بو تشکیلات باش کاتبی ایتیب تعیینلندی.
اوزبیکستان وکیلی ایلک بار تورکی دولتلر تشکیلاتی باش کاتبی لوازمینی ایگلله‌گن. او اوشبو لوازمده سونگی تورت ییل دوامیده تشکیلات‌نی باشقریب کیلگن قرغیزستان‌لیک دیپلمات اورنیگه تعیینلنگن.
میرواحد عظیموف، تاشکینت شهریده توغیلگن، ۴۶ یاش‌ده. جهان اقتصادیاتی و دیپلمات بیلیم یورتینی ۲۰۰۳ ییلده خلق‌ارا حقوق بوییچه لیسانس و ماسترلیک درجه‌سی بیلن تمامله‌گن. او تشقی ایشلر وزیرلیگی‌ده ۲۳ ییللیک محنت تجربه‌سیگه ایگه. تورت ییل دوامیده پکن‌ده‌گی شانگهای همکارلیک تشکیلاتی کاتبیاتیده ایشله‌گن. ۲۰۱۲ ییلدن ۲۰۲۰ ییلگچه تشقی ایشلر وزیرلیگی‌نینگ حقوق بولیمینی باشقرگن. بونگه قدر او تورکی دولتلر تشکیلاتی باش کاتبی اورین باسری لوازمیده فعالیت یوریتگن.
ایسله‌تیب اوته‌میز، تورکی دولتلر تشکیلاتی ۱۳-ییغیلیشی، اوتگن کونی تورکیه (میزبان)، آذربایجان، اوزبیکستان، قزاقستان و قرغیزستان دولتلری ییریک رسمی‌لری‌نینگ اشتراکی بیلن اوتکزیلدی.
