اسلام امیرلیگی باش وزیری‌نینگ اقتصادی اورین باسرلیگی، برق ایشلب چیقریش، اوزه‌تیش و برق ترماقلرینی رواجلنتیریش ساحه‌سیده عمومی قیمتی ایکی میلیارد ۸۷۲ میلیون افغانیدن آرتیق بولگن آلتیته لایحه، تدارکات کمیسیونی‌نینگ سونگی ییغیلیشیده تصدیقلنگنینی معلوم قیلدی.
اوشبو اداره، بوگون (۹ عقرب/۳۱ اکتوبر، شنبه) ایکس اجتماعی ترماغیده بیر بیانیه ترقه‌تیب، بو لایحه‌لر فاریاب ولایتیده میمنه و اندخوی سب ایستیشن‌لرینی قوریش و کینگه‌یتیریش، ننگرهار ولایتیده ۲۲۰ کیلوولت برق اوزه‌تیش ترماغینی کینگه‌یتیریش، جوزجان ولایتیده یتیم‌تاق گاز فابریکه‌سی برق انرژیسینی ییتکزیب بیریش اوچون ۴۰ میگاولت امپیر قووت گه ایگه سب‌استیشن قوریش همده ضرور اوسکونه‌لرنی ساتیب آلیشنی اوز ایچیگه آلیشینی یازگن.
شونینگدیک، ارغندی-غزنی برق اوزه‌تیش لینیدن میدان‌وردک ولایتیده ریجه‌لشتیریلگن سب‌استیشن‌گچه ۹.۳ کیلومتر اوزونلیکده ۲۲۰ کیلوولت برق اوزه‌تیش لینینی تارتیش همده اندخوی سب‌استیشنی‌دن میمنه سب‌استیشنی‌گچه ۱۳۹.۲ کیلومتر اوزونلیکده ۲۲۰ کیلوولتلی برق اوزه‌تیش لینینی قوریش هم اوشبو لایحه‌لر جمله‌سیدن دیر.
افغانستان برق انرژی گه بولگن احتیاجی‌نینگ کتته قسمینی قوشنی دولتلردن وارد قیله‌دی. شو باعث مملکتده برق انرژیسینی ایشلب چیقریش و اوزه‌تیش ترماقلرنی راوجلنتیریش مهم احتیاجلردن بیری حسابلنه‌دی.
