برشنا کمپنیه‌سی گه کوره، افغانستان حاضرده اوزبیکستان، تورکمنستان، تاجیکستان و ایران‌دن قریب ۵۰۰ میگاوات برق وارد قیله‌دی و بونینگ اوچون ییلیگه ۲۵۰ دن ۳۰۰ میلیون دالر توله‌یدی.
برشنا کمپنیه‌سی سوزلاوچیسی محمدصادق حق‌پرست‌نینگ ایتیشیچه، اوزبیکستان و تورکمنستان بیلن ۲۲۰ کیلوولت برق اوزه‌تیش اوچون کیلیشگن. بو کیلیشوو عملگه آشیریلسه، وارد قیلینگن برق حجمی دییرلی ۳۰۰ میگاوات گه آشیریلیشی ممکن.
اونینگ کوپه‌یتیریشیچه، افغانستان حاضرده قوشنی دولتلردن برق وارد قیلیش اوچون قرضدار ایمس. شونینگدیک، جمهوریت دوریدن قالگن برق قرض‌لری‌نینگ قریب ۹۰۰ میلیون دالری هم تولنگن.
شو بیلن بیرگه، کابل و غزنی ایریم یشاوچیلری برق تأمیناتیده‌گی اوزیلیش‌لر کوپهیگنیدن شکایت قیلیب، کوپینچه ساعت‌لرده برق‌دن فایده‌لنه آلمه‌یاتگنینی ایته‌دیلر.
برشنا شونینگدیک، تاجیکستان‌دن آلیب کیلینگن برق حجمینی آشیریش و ینگی ۲۲۰ کیلوولت لین‌لر قوریش بوییچه مذاکره‌لر آلیب باریله‌یاتگنینی بیلدیرگن.
