اسلام امیرلیگی ساغلیق‌نی سقلش وزیری روسیه‌گه قیلگن رسمی سفری دایره‌سیده اوشبو مملکت ساغلیق‌نی سقلش وزیری بیلن اوچره‌شیب، ایکی تامان ساغلیق‌نی سقلش بولیمیده اوزاق مدتلی همکارلیکلرنی کینگه‌یتیریش، ساغلیق‌نی سقلش بولیمینی کوچه‌یتیریش و ساغلیق‌نی سقلش خادملرینینگ ظرفیتینی آشیریش توغریسیده صحبت قیلگنلر.
شو بیلن بیرگه، ایریم شفاکارلر‌نینگ ایتیشیچه، روسیه‌نینگ علمی و تخنیکی ظرفیت‌لریدن فایده‌لنیش شفاکارلر‌نینگ تخصصی تعلیم‌لری، ینگی و زمانه‌وی تکنالوژی‌لرنی انتقال بیریش و افغانستان‌نینگ ساغلیق مرکزلرینی جهازلشگه یاردم بیریشی ممکن.
اسلام امیرلیگی ساغلیق‌نی سقلش وزیری نورجلال جلالی، روسیه ساغلیق‌نی سقلش وزیری میخایل آلبرتویچ موراشکو بیلن ساغلیق‌نی سقلش بولیمیده اوزاق مدتلی همکارلیکلرنی کینگه‌یتیریش مسئله‌سینی محاکمه قیلگن.
اوشبو وزیرلیک سوزلاوچیسی شرافت‌زمان امرخیل‌نینگ ایتیشیچه، اسلام امیرلیگی و روسیه ساغلیق‌نی سقلش وزیرلری دارو وارد قیلیش، افغانستان ساغلیق‌نی سقلش خادملرینینگ مهارتنی آشیریش و اوشبو مملکت‌گه زمانه‌وی طبی تکنالوژی‌لرنی انتقال بیریش توغریسیده هم گپیرگنلر. اونینگ ایتیشیچه: «افغانستان و روسیه ارا اوزاق مدتلی ساغلیق‌نی سقلش همکارلیکلرینی رواجلنتیریش، ساغلیق‌نی سقلش بولیمینی کوچه‌یتیریش و تیزیم ایجاد قیلیش، دارو-درمان، واکسین‌لر و طبی اوسکونه‌لر باره‌سیده واردات همده همکارلیک قیلیش، ساغلیق‌نی سقلش کارمندلری‌نینگ مهارتینی آشیریش، ینگی و زمانه‌وی طبی تکنالوژی‌لرنی انتقال بیریش همده باشقه بیر قطار اونیملی طبی موضوع‌لر باره‌سیده صحبت قیلیندی.»
ساغلیق‌نی سقلش وزیرلیگی‌نینگ ایتیشیچه، روسیه ساغلیق‌نی سقلش وزیری اوز مملکتی افغانستان‌نینگ ساغلیق‌نی سقلش بولیمیده تخنیکی همکارلیکلرنی کینگه‌یتیریشگه تیار ایکنیدن ایشانچ بیرگن.
باشقه تامانیدن، بیر قطار شفاکارلر روسیه‌نینگ افغانستان ساغلیق‌نی سقلش بولیمیده‌گی همکارلیگی شفاکارلر اوچون تخصصی تعلیملر زمینه‌سینی یره‌تیش و دوالش خذمتلرینی کینگه‌یتیریشگه سبب بولیشینی ایته‌دیلر.
شفاکار عبدالصبور حسین شونده‌ی دییدی: «بو اوچره‌شولر افغانستان‌نینگ ساغلیق‌نی سقلش تیزیمی اوچون ایجابی نتیجه‌لر گه ایگه بولیشی ممکن. ساغلیق‌نی سقلش خادملرینینگ مهارتینی آشیریش همده طبی امکانیت و اوسکونه‌لرنی یره‌تیش، روسیه‌نینگ افغانستان گه یاردم بیریشی ممکن بولگن اساسی جایلریدن دیر.»
ینه بیر شفاکار عبدالوکیل ایماد‌نینگ ایتیشیچه، مملکتلر اینیقسه روسیه‌نینگ افغانستان ساغلیق‌نی سقلش بولیمی بیلن بولگن همکارلیگی یشاوچیلرگه دوالش خذمتلرینی ییتکزیب بیریش جریانیده فایده‌لی بوله‌دی. او شونده‌ی دییدی: «بو اوچره‌شوو، افغانستان اوچون جوده فایده‌لی تمام بولیشی ممکن اینیقسه طبی تعلیملر، طبی اوسکونه‌لر، ماشینلر و جهازلرنی وارد قیلیش، دارو ایشلب چیقریش، مسلکی تعلیملر و ساغلیق‌نی سقلش خادملرینینگ مهارتینی آشیریش بولیمیده.»
افغانستان‌نینگ ساغلیق‌نی سقلش بولیمی، کوپراق یاردملرگه باغلیق بولگن بولیملردن حسابلنه‌دی. اسلام امیرلیگی حاکمیت تیپه‌سیگه کیلگچ برچه مملکتلر و تشقی اداره‌لردن افغانستان‌نینگ ساغلیق‌نی سقلش بولیمیگه یاردم بیریشلرینی قیته-قیته سوره‌گن.
