آذربایجان، تورکیه و اوزبیکستان‌دن اوچ مینگ ۵۰۰ دن آرتیق حربی خذمتچی، آذربایجان‌نینگ قره‌باغ حدودی‌ده اوتکزیلگن «بیرلیک کوچلی ۲۰۲۶» قوشمه حربی مشغولاتیده اشتراک ایتدی. بو اوچ دولت حربی‌لری اشتراکیده‌گی ایلک قوشمه مشغولات بولگن.
مشغولات‌لر دوامیده، کینگ کولملی درون هجوملری، سایبری هجوملر، الکترونیک اوروش، چلغیتووچی اخبارات ترقه‌تیش، قوروقلیک (ییر) و دینگیز عملیات‌لری همده چیگره تهدیدلریگه قرشی کوره‌ش مشق قیلینگن.
حربی‌لر ۱۳۰ دن آرتیق اوچووچی‌سیز قوریلمه، ۷۰ ته زره‌لی واسطه، ۹۰ دن آرتیق توپخانه تیزیمی و ۲۰ دن آرتیق کیمه و اوچاق‌لردن فایده‌لنگن حالده، تورلی جنگوار مشق‌لرنی عملگه آشیرگن.
مشغولات‌نینگ بیر قسمی خزر دینگیزی‌ده هم اوتکزیلیب، حربی‌لر کیمه و دینگیزده‌گی انشاآت‌لرنی آزاد قیلیش، گروگه آلینگن‌لرنی قوتقریش عملیات‌لرینی مشق قیلگن.
ایران و قرغیزستان، پاکستان، گرجستان، تاجیکستان، تورکمنستان و بیرلشگن عرب امیرلیک‌لری کبی بیرقطار دولتلر مشغولات‌لرده کوزه‌توچی صفتیده قتنشگن.
آذربایجان و تورکیه مدافعه وزیرلری، اوشبو مشغولات‌لرنی جنگوار تیارگرلیک‌نی آشیریش و منطقه‌وی مدافعه همکارلیگینی مستحکم‌لشگه قره‌تیلگن قدم صفتیده بهاله‌گن.
