امریکا و جنوبی کوریا قوراللی کوچلری، قوشمه حربی مشغولاتلرینی ریجه اساسیده باشلهدی.
معلوماتلر گه کوره، مذکور ایکی مملکت اورتهسیده قوشمه حربی مشغولات بوگون (۲۶ اسد/۱۷ آگست، دوشنبه) باشلنگن. میلادی ۲۰۲۶-ییلگی مشغولاتلرده جنوبی کوریانینگ قریب ۱۸ مینگ نفر حربی خذمتچیسی اشتراک ایتگن.
اولراق امریکا قوشمه ایالتلری جمهور باشلیغی دونالد ترامپ، قوشمه مشغولاتلر کولمینی قیسقرتیریش حقیده بویروق بیرگنینی معلوم قیلگن ایدی. بیراق جنوبی کوریا مدافعه وزیرلیگی امریکا جمهور باشلیغینینگ اوشبو بیاناتی بوییچه رسمی بیلدیریشنامه آلمهگنینی معلوم قیلگن.
شونینگدیک، محلی ییتکرمهلر معلوماتلریگه کوره، ترامپنینگ بیاناتیدن اول هم دله مشغولاتلری سانی ۱۷ تهدن ۱۴ تهگچه قیسقرتیریلگن.
«اولچی آزادلیک قلقانی» آتیده قوشمه حربی مشغولات جنوبی کوریا و امریکا اورتهسیده اوتکزیلهدیگن ییریک قوشمه حربی مشغولاتلردن بیری دیر.
مشغولاتلر ۱۷ دن ۲۷ آگست کونلری اوتکزیلیشی ریجهلشتیریلگنی ایتیلگن.
