کییف انقرهدن، امریکا قوشمه ایالتلریده ایشلب چیقریلگن ۷۰ ته ATACMS بالستیک راکته، ۱۲ ته ۲۷۰M راکته قوریلمه (راکت آتووچی) ساتیب آلیشی کوتیلهدی.
معلوم قیلینیشیچه، امریکا دولتی مذکور قوراللرنی تورکیهدن اوکراین گه ساتیش اوچون رخصت بیریشگه تیارگرلیگینی بیلدیرگن.
اوشبو گزارش گه کوره، ریجهلشتیریلگن قورال-یراغ پاکتی ترکیبی گه ۷۰ ته M39 ATACMS عملیات-تکتیک راکتهسی، ۱۲ ته M270 MLRS راکته آتووچی، ۲.۵مینگدن آرتیق باشقریلمهیدیگن M26 راکتهلری کیرهدی.
ییتکزیب بیریشلرنینگ عمومی قیمتی تخمیناً ۲۸۰ میلیون دالر گه بهالنماقده. ATACMS راکتهلرینینگ دستلبکی قیمتی ایسه قریب ۲۸ میلیون دالرنی تشکیل ایتهدی.
امریکاده ایشلب چیقریلگن قوراللرنی تورکیه ذخیرهلریدن اوچینچی دولت گه تاپشیریش اوچون واشنگتننینگ راضیلیگی طلب ایتیلهدی. تیگیشلی حجتلر جاری ییلنینگ ۳ آگست کونی کانگرس گه تقدیم ایتیلگنی ایتیلگن.
کانگرس حجتلرنی کوریب چیقیش اوچون ۱۵ کون فرصتی بار. اگر شو وقت ایچیده وکیللر بیتیم آلدی آلینیشی توغریسیده قوشمه قطعنامه قبول قیلمسه، امریکا حکومتینینگ صادر قیلیش گه بیرگن راضیلیگی اتوماتیک روشده فعال بولهدی.
