امریکا بیر رسمی‌سی، بو مملکت حربی کوچلری هرمز بوغوزی‌ده ایران هدف‌لریگه قرشی هجوم اویوشتیرگنینی معلوم قیلدی. اونینگ ایتیشیچه، بو هجوملر ایران کوچلری امریکا جهازلری و منفعت‌لریگه قرشی ییردن هوا گه اوچیریله‌دیگن راکته‌لردن فایده‌لنگنیگه جواباً عملگه آشیریلگن.
آسوشیتدپرس نشری، اسمینی آشکا قیلیشنی ایستمه‌گن امریکالیک رسمیگه تیه‌نیب خبر بیریشیچه، اوشبو هجوملر ایران کوچلری‌نینگ هدف‌لرینی نشانگه آلگن.
آسوشیتدپرس نشری معلوماتیگه کوره، هجوملر کولمی چیکلنگن بولیب، اولر ایکی تامان اورته‌سیده‌گی حربی توقنشوولرنینگ تولیق قیته باشلنیشیدن درک بیره‌یاتگندیک کورینمه‌یدی.
ایران دولت تلویزیونی هم، ستراتیژیک اهمیت گه ایگه هرمز بوغوزی‌نینگ کیریش قسمی‌ده جایلشگن قشم آرالیده بیر نیچه پارتلش آوازلری ایشیتیلگنینی خبر قیلگن.
