اسلام امیرلیگی سوزلاوچیسی اورینباسری حمدالله فطرتنینگ ایتیشیچه، کنر گه پاکستان آرقهلی اویوشتیریلگن هجوم نتیجهسیده، اوچ کیشی «شهید» و ۱۴ کیشی یرهلنگن.
او، اکس صحیفهسیده یازیشیچه، پاکستان اردوسی اوتگن کون (۱۴-ثور، سهشنبه)، کنر ولایتی دانگام تومنیده تینچاهالی اویلری، ایکی مکتب، ساغلیقنی سقلش بیر مرکز و ایکی مسجدنی نشان گه آلگن.
اسلام امیرلیگی سوزلاوچیسیگه کوره، دانگام تومنیگه پاکستاننینگ اویوشتیرگن هجومی قربانلریدن کوپینچهسینی بالهلر و عیاللر تشکیل بیرهدی.
پاکستان، اوتگن هفته دوشنبه کونی هم کنر ده سیدجمالالدین افغان بیلیم یورتینی راکته هجومی بیلن نشانگه آلگن ایدی که نتیجهده، ییتی کیشی «شهید» و ۷۰ دن آرتیق کیشی یرهلندی.
