بلخ ولایتی محلی مسئوللری‌نینگ ایتیشیچه، اوشبو ولایتده تولیدی فابریکه‌لرنی تشکیل ایتیش ساحه‌سیده افغانستان‌لیک و خارج‌لیک تدبیرکارلرنینگ قوشمه سرمایه کیریتیش‌لری آرتگن.
بلخ ولایتی صناعت و سودا ریاستی، بوگون (۱۱ عقرب/۲ نومبر، دوشنبه) قویاش ۱۴۰۵ ییل‌نینگ دستلبکی آلتی آیی‌ده ایشلب چیقریش ساحه‌سیده کمیده ۲۰ ته قوشمه سرمایه کیریتیلگنینی معلوم قیلگن.
بلخ ولایتی صناعت و سودا ریاستی‌نینگ مطبوعات مسئولی فیصل زلاند گه کوره، اوشبو سرمایه‌لر «جوجه» ییتیشتیریش، پی‌وی‌سی، کیمیاوی کود ایشلب چیقریش و باشقه یونه‌لیشلرنی اوز ایچیگه آله‌دی.
مذکور سرمایه کیریتیش‌لر افغانستان‌لیک تدبیرکارلر همده اوزبیکستان، قزاقستان، تورکیه و ایران سرمایه کیریتووچیلری تامانیدن عملگه آشیریلگنینی قوشیمچه قیله‌دی، فیصل زلاند.
شو بیلن بیرگه، ایریم سرمایه کیریتووچیلر مملکتده سرمایه کیریتیش جریانلرینی ساده‌لشتیریش، قوشیمچه قوله‌یلیکلر یره‌تیش و حکومت تامانیدن ایشلب چیقریش فعالیتلر قوللب-قوتلنیشینی سوره‌یدیلر.
برچه‌سی بیلن، بلخ ولایتی صناعت و سودا ریاستی‌نینگ معلومات‌لریگه کوره، جاری قویاش ییل‌نینگ دستلبکی آلتی آیی‌ده قریب ۳۵۰ ته جواز بیریلگن بولیب، شولردن ۱۰۰ ته‌سی ایشلب چیقریش کارخانه‌لری فعالیتیگه تیگیشلی دیر.
