اوزبیکستان جمهور باشلیغی شوکت میرضیایف، امنیتی مسئلهلر، اقتصادی همکارلیکلرنی کینگهیتیریشنی کوریب چیقیش اوچون افغانستان اشتراکی بیلن شانگهای همکارلیک تشکیلاتی دوام ایتیشیگه تأکید ایتدی.
شوکت میرضیایف، بوگون (۱۰ سنبله/۱ سپتمبر، سهشنبه) قرغیزستان پایتختی بیشکک شهریده اوتکزیلگن شانگهای همکارلیک تشکیلاتی رهبرلرینینگ ییغیلیشیده نطق سوزلب امنیتی مسئلهلر همده اقتصادی همکارلیکلرنی کینگهیتیریش اوچون افغانستان اشتراکی بیلن بو تشکیلات ییغیلیشلری دوام ایتیشیگه تأکید ایتگن.
شانگهای همکارلیک تشکیلاتی ییغیلیشی، بو تشکیلات گه دایمی اعضا ۱۰ ته مملکت رهبرلری همده تورکیه و آذربایجان کبی دولتلر ییتکچیلرینینگ اشتراکی بیلن قرغیزستان پایتختی بیشکک شهریده اوتکزیلدی.
افغانستان، شانگهای همکارلیک تشکیلاتینینگ کوزهتووچی اعضاسی دیر، بیراق اسلام امیرلیگی حاکمیت تیپهسیگه کیلگچ، تورت ییلدن بیری بو ییغیلیشده تکلیف قیلینمهیدی.
