مملکت اقتصاد وزیرلیگی مسوول‌لری نینگ ایتیش‌لریچه، افغانستانده ایش شرایطی‌گه ماس ۱۶ میلیون کیشی دن ۱۰ میلیون ته‌سی ایش‌سیز دیر.

بوگون “یکشنبه” اقتصاد وزیری کریمه حامد فاریابی نینگ «ملت گه دولت نینگ حساب بیریش» برنامه‌سیده ایتیشیچه، کرونا ویروسی مملکت اقتصادی نینگ رشد قیلیشی‌گه قرشی سلبی تاثیر قویگن.

خانم فاریابی‌گه کوره، مملکتده ۱۶ میلیون کیشی ایش شرایطی‌گه برابر، بیراق کرونا ویروسی و ناتینچلیکلر سبب، بو جمله‌دن یالغیز ۶ میلیونی شغل‌لنه‌دی و باشقه ۱۰ میلیونی ایسه ایش آختره‌دی.

شونینگدیک، اقتصاد وزیری نینگ ایتیشیچه، مملکت جمعیتی دن یریمی کم بغل دیر و کونده‌لیک نیاز بولگن بیرینچی ماده‌لرگه قول تاپه آلمه‌یدی.

عین‌حالده، اقتصاد وزیرلیگی مسووللری، ۲۰۰ میلیون افغانی ارزشی‌گه شغل ایجاد قیلیش ریجه قولگه آلینگنیدن خبر بیریب و مملکت ۱۳ ولایتیده شغل ایجاد قیلیش پروژه‌لر عملگه آشیریلیشی‌نی بیلدیرگنلر.

شونینگدیک، صناعت و سوداگرلیک وزیرلیگی هم بیر ییل جریانیده قیلگن فعالیتی نی بیان قیلگن. اوشبو وزارت مسووللری یوتوق‌لری چیککه‌سیده قیین‌چلیک‌لرگه هم اشاره قیلگن‌لر. گمرک‌لرگه فساد بولگنی، ایچکی تولیدات‌لردن فایده‌لنمه‌یش و سرمایه دارلرنینگ سرمایه یاتقیزمه‌یشلری صناعت و سوداگرلیک وزیرلیگی برابریده بولگن اساسی قیین‌چلیکلردن دیر.

صناعت و سوداگرلیک وزیری نثاراحمد غوریانی نینگ ایتیشیچه، ۲۰۱۴- ییلدن بویان مملکتده سرمایه یاتقیزیش جریانی قیین‌چلیک بیلن دوچ کیلگن.

لیکن، صناعت و سوداگرلیک وزیری نینگ ایتیشیچه، ۱۳۹۹- ییلدن بویان مملکتده ۳۰۰ ایشخانه فعالیت گه باشله‌گن و اوشبو ایش صناعت و سوداگرلیک نینگ رشد قیلیشی‌گه سبب بوله‌دی.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام