اسلام امیرلیگی تشقی ایشلر وزیرلیگی، امریکاده استقامت قیله‌یاتگن ایریم افغانستان‌لیک مهاجرلرنی پاکستان گه انتقال بیریش احتمالیدن خواطر بیلدیردی.
اوشبو وزیرلیک سوزلاوچیسی عبدالقهار بلخی، بوگون (۱۱ عقرب/۲ نومبر، دوشنبه) ایکس اجتماعی ترماغیده یازیشیچه، اسلام امیرلیگی افغانستان فقرالرینی حمایه قیلیشنی اوز زمه‌سیده‌گی مسئولیت دیب بیله‌دی. او دنیانینگ قییرده بولیشیدن قطعی نظر، افغانستان‌لیکلر گه عملده‌گی قانونلر، اعتراف ایتیلگن اصوللر و انسانی قدر-قیمت گه موافق مناسبتده بولیش لازم‌لیگینی تأکیدله‌گن.
تشقی ایشلر وزیرلیگی، امریکانی افغانستان‌لیک مهاجرلرنی انتقال بیریش مسئله‌سیده مسئولیت و اویله‌گن حالده عمل قیلیشنی سوره‌گن. شونینگدیک افغانستان فقرالری‌نینگ تقدیری بیلن باغلیق هر قنده‌ی قرار اوزارا کیلیشوو، هماهنگ‌لیک همده تیگیشلی شخص‌لرنینگ حقوق و منفعت‌لرینی حسابگه آلگن حالده قبول قیلینیشی کیره‌کلیگینی بیلدیرگن.
وزیرلیک‌نینگ کوپه‌یتیریشیچه، اسلام امیرلیگی موجود واقعی‌لیک و هر ایکی تامان‌نینگ خواطرلرینی انابت گه آلگن حالده، بو باره‌ده عملی و ایجابی همکارلیک قیلیشگه تیار.
تشقی ایشلر وزیرلیگی گه کوره، اوچینچی دولتلر چیکلنگن و وقتینچه‌لیک امتیازلر گه ایریشیش یا که باشقه ملاحظه‌لرنی حساب گه آلیش مقصدیده اوزگه مملکت فقرالری‌نینگ تقدیری یوزه‌سیدن معامله قیلمسلیگی، انسانی قدر-قیمت، حقوق همده اعتراف ایتیلگن اخلاقی و انسان پرورلیک معیارلرینی اعتبارسیز قالدیرمسلیگی کیره‌ک.
آلدینراق، نیویورک تایمز گزیته‌سی، امریکا مملکتده یشش حجتینی آلیشده معمالر گه دوچ کیله‌یاتگن ۱۵۰ نفر افغانستان‌لیک فقرانی پاکستان گه انتقال بیریشنی ریجه‌لشتیره‌یاتگنی حقیده خبر بیرگن ایدی.
