جمهوریت توزومی قولشیدن کیین مملکت نی ترک ایتگن‌لردن بیری شریفه صفری دیر. خانم صفری خلق‌ارا عایله کونی ده آته_آنه‌سی یانیده بولیشنی کوتگن؛ لیکن تقدیر او و عایله‌سینی اجره‌تگن.
حاضر منطقه مملکت‌لریدن بیری ده مهاجر بولگن شریفه صفری، عایله‌سی دن اوزاق‌لیک قیینچیلیک‌لری و آته_آنه‌سی یانیده بولیش آرزولری حقیده بونده‌ی دیدی. «نیچه ییل دن بویان آته_آنه، سینگیل و ایناغه‌لریمدن اوزاق من، اوزاق‌لیک قنچه قیین بولیشنی حس قیله‌من. بازار باریب خرید قیلیش اوچون هیچ کیمینگ بولمسه جوده هم قیین دیر. مهاجرت قیینچیلیگی بیر تامان، عایله دن اوزاق‌لیک حقیقتن هم قیین دیر.»
بیرلشگن ملت‌لر تشکیلاتی ۱۹۹۳_ییل ۲۰ سپمتبر ده، ۱۵ می نی خلق‌ارا عایله کونی اوله‌راق قبول قیلگن، ۱۹۹۴_ییل دن بویان دنیا بویلب اوشبو کون دن ایریم مراسم‌لر اوتکزیلیب نشانلنه‌دی.
بیزلرنینگ فیسبوک صحیفه‌میزگه باش اورینگ!
خلق‌ارا عایله کونی مناسبتی بیلن، ایریم دلیل‌لر سبب مملکت نی ترک ایتگن قطار کیشی‌لر نینگ آنه‌لری، مملکت ده‌گی وضعیت اوزگریب و برچه مهاجرلر اوز یورت و اوی‌لری گه قیتیشنی آرزو قیله‌دیلر.
بلخ مرکزی مزارشریف شهری یشاوچیسی مرضیه، سونگی سیاسی اوزگریش باعث اوچ فرزندی مملکت نی ترک ایتگن، او سلام‌وطندار بیلن اوتکزگن صحبتیده فرزندلری قیتیشینی آرزو قیلسه ده، لیکن اولکه ده‌گی حاضرگی کیسکین شرایط دن خواطرده دیر: «افغانستان ناتینچ‌لیگی اوچون سونگی بیر ییل ده اوچ فرزندیم مملکت نی ترک ایتگن آنه من. اولکه ناتینچ‌لیگی و ایش یوق‌لیگی اوچون فرزندلریم میندن اوزاقلشدی. فرزندیم ۱۶ ییل تحصیل قیلدی حاضر ایران ده مردیکارچیلیک قیلماقده.»
افغانستان ده جمهوریت توزومی قولشیدن کیین، کوپ سانده عایله‌لر ایریم دلیل‌لر سبب مملکت نی ترک ایتگن، مهاجرت قیینچیلیگی گه علاوه عایله دن اوزاق‌لیک اولر نینگ حیاتینی آغیرلشتیرگن.
بیزلرنینگ توییترده هم تعقیب قیلینگ!
افغانستان‌لیک مهاجر محمود خرمی نینگ ایتیشیچه، هییت کبی مناسبتی کون‌لرده عایله‌سیدن اوزاق‌لیک اونی اوچون جوده هم قیین دیر. «عایله، آته_آنه بیز اوچون اوته مهم بولگن محیط ده یشه‌گن میز. هییت کبی مناسبتی کون‌لر جوده هم قیین دیر.»
دنیا بویلب عایله دن اوزاق‌لیک و مهاجر بولیش اختیاری امر بولسه ده، لیکن افغانستان یشاوچیلری کوپراق اقتصادی قیینچیلیک، سیاسی_خوفسیزلیک بحران‌لر سبب مهاجرت یولینی تنله‌یدیلر.
