اسلام امیرلیگی مهاجرلر وزیری مولوی محمد عبدالکبیر، بیرلشگن ملتلر تشکیلاتینینگ مهاجرلر بوییچه عالی کمیسیاری باشلیغی عرفات جمال بیلن اوچرهشگن.
مهاجرلر وزیرلیگی، بوگون (۲۰ سنبله/۱۱ سپتمبر، جمعه) ایکس اجتماعی ترماغیده بیر بیانیه ترقهتیب، محمد عبدالکبیر عرفات جمال بیلن افغانستانلیک مهاجرلرنینگ قیینچیلیکلری و مهاجرلر میزبانی بولگن مملکتلرنینگ اشتراکی بیلن ییغیلیشلر اوتکزیش حقیده صحبت قیلگنینی ایتگن.
مهاجرلر وزیرلیگی، بیرلشگن ملتلر تشکیلاتینینگ مهاجرلر بوییچه عالی کمیسیاری باشلیغی گه اساسلنیب ایتیشیچه، بو اداره ایران بیلن افغانستانلیک مهاجرلرنینگ قیینچیلیکلرینی حل قیلیش مقصدیده اوچ تامانلمه ییغیلیش اوتکزیش گه کیلیشگن و یقینده ایران، بیرلشگن ملتلر تشکیلاتی و اسلام امیرلیگی وکیللری اشتراکی بیلن کابلده اوچ تامانلمه ییغیلیش اوتکزیلیشی کوتیلهدی.
عرفات جمالنینگ کوپهیتیریشیچه، بیرلشگن ملتلر تشکیلاتی مهاجرلرنینگ قیینیچیلیکلرینی حل قیلیش اوچون سعی-حرکتلرنی باشلب و مالیهوی یاردم آلیش اوچون ریجه تیارلهگن.
مهاجرلر وزیرلیگی هم، افغانستانلیک مهاجرلر بارهسیده تورت و اوچ تامانلمه ییغیلیش اوتکزیلیشینی مهم بهالب و اسلام امیرلیگی مهاجرلرنینگ قیینیچلیکلرینی حل قیلیش اوچون آلیب باریلهیاتگن سعی-حرکتلرنی قوللب-قوتلشینی بیلدیرگن.
