اسپانیا عملدارلری، اوشبو مملکتنینگ سئوتا شهریگه کیریب کیلگن مراکشلیک قریب ۵۰ مینگ مهاجردن ۴۸ مینگدن آرتیغی بو مملکت گه قیتریلگنینی معلوم قیلدیلر.
رویترز نشری، بوگون (۱۰ اسد/۱ آگست، شنبه) ترقهتگن گزارشیده، اسپانیا ایچکی ایشلر وزیرلیگی مراکش گه قیتریلگنلر سانینی ۴۸ مینگ ۳۰۰ کیشی اعلان قیلیب و مهاجرلرنی قیتریش جریانی دوام ایتهیاتگنینی بیلدیرگن.
شو بیلن بیرگه، اسپانیا رسمیلرینینگ ایتیشیچه، اوشبو هجوم پیتیده چمهسی ۵۷ کیشی اسپانیا تامانیدهگی چیگرهده هلاک بولگن. اولر گه کوره، قربانلردن بعضیلری چوکیب هلاک بولگن و بعضیلری ایسه چیگرهدهگی توسیقلردن اوتیش پیتیده اولگن.
پنجشنبه کونی باشلنگن مهاجرلرنینگ سئوتا گه کینگ کولمده کیریب باریش آقیمی، سونگی ییللرده اسپانیانینگ اوشبو خودمختار حدودیگه کوزهتیلگن اینگ ییریک ناقانونی کیریش حالتلریدن بیری صفتیده قید ایتیلگن.
بو واقعه اروپاده ایریم مناسبتلر گه سبب بولگن. اروپا اتفاقی گه اعضا مملکتلرنینگ رهبرلریدن بعضیلری اسپانیادن وضعیتنی کنترول قیلیشنی سورهگن.
