«حالوش» انسان حقلری تشکیلاتی، ایران سراوان تومنی «روتک» چیگره حدودیده ۱۷ افغانستانلیک مهاجر جملهدن عیاللر و بالهلر «سووسیزلیک» سبب وفات ایتگنینی معلوم قیلدی.
اوشبو تشکیلات، ترقهتگن گزارشیده اولگنلر آرهسیده بغلان ولایتیدن بولگن بیر عایلهنینگ بیش اعضاسی بارلیگینی ایتگن.
مذکور تشکیلاتنینگ کوپهیتیریشیچه، واقعه ۱۹ سنبله، پنجشنبه کونی ایرککلر گروهدن اجرهلیب چیققچ، عیاللر و بالهلر قوروق چولده قالیب کیتگنیدن سونگ صادر بولگن.
«حالوش» انسان حقلری تشکیلاتی، سراوان ساووقخانهسیده امکانیت یوقلیگی سببلی اولگنلرنینگ جسدلری خاش گه انتقال بیریلگنینی قوشیمچه قیلگن.
ایسلهتیب اوتهمیز، بوندن ایلگری هم ناقانونی یوللر آرقهلی ایران گه بارهدیگن کوپینچه افغانستانلیک مهاجر نیمروز چوللریده بیدرک یوقالیب و اولگن ایدیلر.
