خلق‌ارا آنه تیل کونی مناسبتی بیلن، مملکت نینگ تورلی ولایت‌لریده بومی تیل‌لر متکلم‌لریدن قطاری، آنه تیل‌لری گه گپیریش ساحه‌سی محدود بولیشیدن خواطر بیلدیرماقده‌لر.
نیمروز مکتب‌لریدن بیری نینگ اوقووچیسی نادیه گه کوره، بلوچی تیل گه تعلیم کوره آلمسلیگی باعث، درسی کوپ موضوع‌لرنی اورگنه آلمه‌یدی.
او نینگ سلام‌وطندار گه ایتیشیچه: «اوقیتووچی صنف ایچیده دری تیلی گه تشریح قیلیشی گه قوشیمچه بلوچی تیل گه هم تشریح قیلیشی کیره‌ک، چونکه اوقووچی درس معناسینی توشینه آلمه‌یدی، درس بیریلیشیدن کیین اوی وظیفه‌سی تاپشیریلیب و ایرته‌سی سوره‌له‌دی، اوقووچیسی ایسه بیلمه‌ی من دیب جواب قیتیره‌دی، ایکی تیل گه تشریح قیلیش اوچون استاد نینگ وقتی ضایع بوله‌دی.»
بیزلرنینگ فیسبوک صحیفه‌میزگه باش اورینگ!
نورستان یشاوچیسی جان‌محمد گه کوره، اوشبو ولایت نینگ مکتب‌لریده نورستانی تیل ده تعلیمی کتاب‌لر یوق‌لیگی دن ناراحت دیر.
اونگه کوره: «آنه تیل گه تعلیم کوره آلمسلیک اوچون کوپ قیینچیلیک بیلن روپه‌ره میز، آنه تیل گه اورگنگن نرسه‌نی باشقه تیل گه اورگه‌نیش قیین دیر.»
شونینگدیک، فاریاب یشاوچی‌لریدن احمد نینگ ایتیشیچه، آنه تیل گه گپیریش و تعلیم کوریش هر بیر کیشی نینگ مسلم حقی دیر و اسلام امیرلیگی اولکه یشاوچیلری گه آنه تیل‌لری گه تعلیم کوریش زمینه‌سینی یره‌تیشی کیره‌ک.
اونینگ کوپه‌یتیریشیچه: «حکومت دن افغانستان ده متکلمی بولگن تیل‌لر گه کتاب چاپ قیلیب و آنه تیل‌لری گه درس اوقیش شرایطینی یره‌تیشنی ایسته‌یمیز.»
تیل بوییچه ایش بیلرمان‌لردن قطاری نینگ ایتیشلریچه، آنه تیل گه تعلیم کوریش هر بیر کیشی نینگ حقی دیر و آنه تیل گه اعتبار بیریلمسلیک، جمعیت ده‌گی‌لر نینگ کیم‌لیگی، فرهنگی و تاریخی یوق بولیشی گه سبب بوله‌دی.
بیلیم یورتی اوقیتووچیسی ضیا شیرانی گه کوره: «بوگون‌لیک کونده تیل یالغیز افهام و تفهیم اوچون ایمس بلکه بیر قوم نینگ کیم‌لیگی و فرهنگی دیر که اولر نینگ قالیشی گه سبب بوله‌دی، بیر قوم تیلی یوق بوله‌دی یا اوندن آلینه‌دی، در حقیقت او قوم نینگ تاریخی آلینه‌دی، شونی اوچون باله‌لر اوز آنه تیل‌لری گه تعلیم کوریش‌لری کیره‌ک.»
بیزلرنینگ توییترده هم تعقیب قیلینگ!
باشقه تاماندن، بومی تیل‌لر رواجی اوچون اعتبار بیریلمسلیگی باعث، افغانستان ده‌گی تیل‌لردن قطاری یوق بولیب و بیرقطاری ایسه یوق بولیش عرفه‌سی گه قرار تاپگن.
معلومات و مدنیت وزیرلیگی سوزلاوچیسی عبدالمتین قانع گه کوره، افغانستان ده تورک و مغول تیل‌لری یوق بولگن و پامیری، واخانی و اویغور تیل‌لری نابود بولیش عرفه‌سی گه قرار تاپگن.
عین‌حالده، بیرلشگن ملت‌لر تشکیلاتی نینگ تعلیم و مدنیت ایشلری بوییچه تشکیلاتی (یونسکو) ۱۹۹۹_ییل ده تیل و فرهنگ رواجله‌نیشی مقصدیده ۲۱ فبرورینی، خلق‌ارا آنه تیل کونی اوله‌راق نامله‌گن.
