اوتگن کون اسلامی امارت تشقی ایشلر وزیرلیگی، آمریکا کانگرسی گه بیر نامه یازیب و افغانستان پول ذخیره‌لری نینگ آزاد ایتیلیشی نی سوره‌دی.
مذکور نامه تورت تیل فارسی، پشتو، انگلیسی و اردو گه یازیلیب و یوباریلگن، بیراق اوشبو نامه نینگ اردو تیلی گه یازیلگنی اجتماعی ترماقلر فعاللری نینگ جدی عکس‌العمل‌لریگه روپه‌رو بولگن.
اجتماعی ترماقلر فعاللری اسلامی امارت وزیرلیگی سوزلاوچیسی عبدالقهار بلخی نینگ توییتی نی آستیده یازگنلر که، بو نامه پاکستان دولتی آرقه‌لی ترتیب بولگن و اسلامی امارت تشقی ایشلر وزیرلیگی زحمت تارتیب و یالغیز بو نامه نینگ فارسی، پشتو و انگلیسی گه ترجمه قیلگن.
فیسبوک فعاللریدن بیری فواد لامع نینگ یازیشیچه، افغانستان تاریخی ده بو بیرینچی مرته که مملکت رسمی سندی و آمریکا گه خطاب یازیلگن نامه‌ده اردو تیلی دن دیپلماتیک بیر تیلی صفتیده استعمال بولگن.
جناب لامع نینگ کوپه‌یتیریشیچه، «کورینیشیچه اردو تیلی اوزبیکی تیلی نینگ اورنی گه ییرلشگن.»
بیزلرنینگ فیسبوک صحیفه‌میزگه باش اورینگ!
اجتماعی ترماقلر فعاللریدن باشقه بیری جعفرهاند، اردو «طالبان دولتی» اوچون دیپلماسی تیلی می دیب سوره‌گن؟ بو نامه آمریکا کانگرسی گه یوباریلگن و انگلیسی تیلی گه یازیلیشی کیره‌ک ایدی.
اونینگ ایتیشیچه، فارسی و پشتو تیلی نینگ یانیده اوزبیکی و بلوچی هم افغانستان ملی تیل‌لری دیر.
شونینگدیک باشقه بیر کیشی نینگ یازیشیچه، نامه نینگ اردو تیلی گه یازیلگنی، اسلامی امارت نینگ پاکستان گه غلام‌لیگی نی کورسته‌دی.
عصمت قانع نینگ توییتر صحیفه‌سیده یازیشیچه، «اردو تیلی پشتونخواه و جنوبی پشتونخواه ده هم ملی فرهنگ نینگ بیر بولیمی ایمس، بیراق بو تیل نینگ افغانستان تشقی سیاستی ده استعمال بولیشی نیمه نی کورسته‌دی؟ اردو پاکستان نینگ ملی تیلی دیر، باشقه هیچ بیر نیرسه اَیته آلمیمن.»
باشقه بیر قطار کیشیلر یازگن که، اردو تیلی اوزبیکی تیلی نینگ اورنی گه ییرلشیشی، افغانستان ده اسلامی امارت نینگ یوز کونلیک دست‌آوردی نی کورسته‌دی.
