بوگون (جمعه، ۲۹ میزان)، اوزبیک تیلی ملی کونی گه ماس دیر. اوشبو کوندن هرییلی مملکت نینگ تورلی منطقه‌لریده الاحیده برنامه‌لر اوتکزیلیشی بیلن نشانلنه‌دی.

بو ییل کابل شهری ده اوزبیک تیلی ملی کونیدن اسلامی امارت مسئوللری، میدیالر، بیلیم یورت اوقیتووچیلری، طلبه‌لر و فرهنگی‌لر نینگ حضوری بیلن نشانلندی.

۲۹ میزان اوزبیک تیلی ملی کونی، بوگون کابل ده مدنی و اجتماعی اوزگریش نهادی تامانیدن نشانلندی.

بیزلرنینگ فیسبوک صحیفه‌میزگه باش اورینگ!

اوزبیک تیلی افغانستان نینگ اوچینچی رسمی تیلی اوله‌راق حسابلنه‌دی، بو تیل ده مملکت نینگ قطار ولایت‌لری اینیقسه شمالی ولایت‌لر نینگ یشاوچیلری سوزلشه‌دیلر.

مدنی و اجتماعی اوزگریش نهاد مسئولی نقیب الله عبید، حکومت دن اجتماعی عدالت برقرار ایتیلیشی و اوزبیک خلقی سیاسی اقتدار گه شریک ایتیلیشی و کدرلری دولت اداره‌لریده استخدام ایتیلیشینی طلب قیلدی.

اوشبو احتفال ده نطق سوزله‌گن مدافعه وزیرلیگی نینگ لوژستیک باشلیغی عبدالبصیر صابری مملکت بویلب اوزبیک تیلی رواجلنیشی، بو تیل ده یازیلگن اثرلر چاپ ایتیلیشی، پایتخت شامل مملکت نینگ شمال و شمال‌شرق ولایت‌لریده‌گی بیلیم یورت‌لر و مکتب‌لرده اوزبیک تیلیده درس بیریلیشی اوستیگه تأکید ایتدی.

بیزلرنینگ توییترده هم تعقیب قیلینگ!

شونینگدیک احتفال ده اشتراک ایتگنلر، اوزبیک تیلی رواجلنیشی و اثرلری چاپ ایتیلشی اوستیگه تأکیدلشگه قوشیمچه، اوزبیک خلقیدن تیل ترقیاتی و دایمی قالیش اوچون بو تیل‌نی اوز فرزندلری گه انتقال بیریش‌لرینی طلب قیلدیلر.

مذکور مراسم یکونیده، اوزبیک خلقی گه دایر کتاب اثرلری کورگزمه‌گه قوییلگن ایدی.

ایتیش کیره‌ک که، افغانستان بویلب اسلامی امارت حاکم بولیشی بیلن، ۲۹ میزان دولت تامانیدن نشانلنمه‌دی، لیکن اسلامی امارت اوزبیک تیلی ملی کونیدن نشانلش گه توسقینلیک قیلمسلیگیدن ایشانچ بیلدیرگن.

بوندن آلدین، کابل ده هر ییلی اوزبیک تیلی ملی کونیدن مدنیت و معلومات وزیرلیگی نینگ رسمی‌لری حضوری بیلن نشانلنر ایدی.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام